تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

آٹو رکشہ ڈرائیور کے بیٹے نے باپ کا سر فخر سے بلند کردیا

ہر والدین کی خواہش ہوتی ہے کہ ان کا بچہ بہترین تعلیم حاصل کرے اور اپنا لوہا منوائے، اس معاملے میں ہر سماجی و اقتصادی طبقے کے والدین شامل ہیں، اگر ان کا بچہ کچھ خاص کرجائے تو والدین کی خوشی کا کوئی ٹھکانہ نہیں رہتا۔

ایسا ہی ایک دلوں کو چھو جانے والے واقعہ بھارت میں پیش آیا جہاں ایک لنکڈان صارف وکاس اروڑہ نے ایک تصویر شیئر کی جو کہ غالبا کسی بچے کا تعلیم ریکارڈ تھا۔

لنکڈان صارف نے لکھا کہ میں آج اکولہ مہاراشٹر میں آٹو رکشے میں سفر کے دوران ڈرائیور نے اپنے بیٹے کی مارک شیٹ دکھائی، جس میں وہ نمایاں نمبرز سے پاس ہوا تھا، بیٹے کی اس کامیابی پر والد کی خوشی دیدنی تھی وہ ہمیں بتارہا تھا کہ وہ ایک ذہین بچہ ہے جس نے ثابت کردکھایا۔

مارک شیٹ کے نتائج کے مطابق آٹو رکشہ ڈرائیور کے بیٹے نے بارہویں کلاس میں چھ نمبروں میں سے 592 نمبر حاصل کرتے ہوئے اپنے مزدور باپ کا سر فخر سے بلند کردیا۔

وکاس اروڑہ کا کہنا ہے کہ ایک آٹو رکشہ ڈرائیور کے سماجی و اقتصادی پس منظر کے پیش نظر اس نے اپنے بچے کی تعلیم کے لئے جن رکاوٹوں کو عبور کیا وہ اس فتح کو مزید میٹھا بناتی ہے۔

بچے کی تعلیمی کارکردگی کو شیئر کرنے پر لنکڈان صارف وکاس اروڑہ کو تہنیتی پیغامات موصول ہورہے ہیں اور صارفین کی جانب سے انہیں تصویر شیئر کرنے پر خراج تحسین پیش کیا جارہا ہے۔

Comments

- Advertisement -