The news is by your side.

Advertisement

ہالی ووڈ فلم ’انفنیٹی وار‘ نے ریکارڈ 63 کروڑ ڈالر کمالیے

لاس اینجلس: ہالی ووڈ فلم ایونجرز انفنیٹی وار نے باکس آفس پر دھوم مچادی، ریلیز کے افتتاحی دنوں میں 63 کروڑ امریکی ڈالر کی ریکارڈ کمائی کرکے تاریخ رقم کردی ہے۔

میڈیا رپورٹس کے مطابق انفنیٹی وار کی کمائی کی تصدیق ہوجاتی ہے تو سپر ہیرو کے سیکوئل والی یہ فلم 2017 میں ریلیز ہونے والی دی راک کی فلم دا فیٹ آف دی فیوریس کا ریکارڈ توڑ دے گی، اس فلم نے ریلیز کے افتتاحی دنوں میں 54 کروڑ ڈالر کی کمائی کی تھی۔

اس کے علاوہ ایونجرز امریکا کا نیا ملکی ریکارڈ بھی اپنے نام کررہی ہے کیونکہ اس نے صرف امریکا میں افتتاحی ویک اینڈ میں 25 کروڑ ڈالر کی کمائی کی ہے، اس طرح ایونجرز فلم اسٹار وارز، دا فورس اویکنز کے 24 کروڑ 80 لاکھ کے ملکی ریکارڈ سے بھی آگے نکل جائے گی۔

انفنیٹی وار یعنی لامتناہی جنگ کی ہدایت کاری جو اور اینتھونی روسو برادران نے دی ہے، اس فلم کی تکمیل میں اخراجات کا تخمینہ 30 سے 40 کروڑ ڈالر لگایا گیا ہے، فلم میں مختلف اقسام کے مارول سپر ہیروز ولن تھانوز سے جنگ کرتے ہیں۔

ایونجرز انفنیٹی وار فلم آئرن مین کے دس سال بعد آئی ہے، آئرمین پہلی فلم تھی جس نے بڑے سپر ہیروز کی سیریز شروع کی تھی، پہلی ایونجرز 2012 میں آئی تھی، اس نے اپنے زمانے میں مارول فلم کا ریکارڈ قائم کیا تھا۔

انفنیٹی ایونجرز کی مختلف ہالی ووڈ اسٹارز نے اداکاری کے جوہر دکھائے ہیں جن میں رابرٹ ڈونی جونیئر، کرس پریٹ، کرس ایونز، جوش برولین، کرس ہیمپ ورتھ، اسکارلیٹ جانسن، الزبتھ اولسن ودیگر شامل ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں