قوانین کی خلاف ورزی‘ پی آئی اے کے تین پائلٹ معطل -
The news is by your side.

Advertisement

قوانین کی خلاف ورزی‘ پی آئی اے کے تین پائلٹ معطل

کراچی: سول ایوی ایشن اتھارٹی نے پی آئی اے کے تین پائلٹس کے کمرشل لائسنس 3ماہ سے ایک سال کے لئے معطل‘ پائلٹس کو سزا ہوا بازی کے قوانین کی خلاف ورزی کے سبب دی گئی۔

تفصیلات کے مطابق سی اے اے نے کیپٹن انور عادل اور کیپٹن عامر ہاشمی نامی پائلٹس کےکمرشل پائلٹ لائسنس ایک سال کے لیے معطل کیے ہیں جبکہ فرسٹ آفیسر عدیل جاوید کا لائسنس تین ماہ کے لیے معطل کیا ہے۔

دوران پروازسونے والے پائلٹ کےخلاف تحقیقات مکمل*

اے آروائی نیوز کو حکم نامے کی کاپی موصول ہوگئی ہے جس کے مطابق کیپٹن عامر ہاشمی پر دوران پرواز سونے جبکہ کیپٹن انور عادل پر نشستیں نہ ہونے کے باجود مسافروں کو پرواز میں سفر کرانے کا الزام ہے۔ فرسٹ آفیسر عدیل‘ کیپٹن انور عادل کے ساتھ پرواز پر تھے۔

کیپٹن انورعادل نے چھ اضافی مسافروں کو سفر کرایا *

دونوں پائلٹس کے لائسنس کی معطلی کا بالترتیب آغاز 27 اپریل اور 21جنوری 2017 سے ہو گا۔ دونوں پائلٹس کے ساتھ پرواز نمبر پی کے 785 اور پی کے 743 پر تعینات تمام کاک پٹ عملے اور فضائی عملے کے خلاف سخت کارروائی کرنے کا حکم بھی دیا گیا ہے۔

امجد شاہ نامی ٹرمینل مینجر اور فلائٹ اسٹیورڈ حیات اللہ کو وارننگ لیٹر جاری کرنے کا حکم جاری کیا گیا ہے اور پی آئی اے کو مذکورہ احکامات پر عملدرآمد کے بعد رپورٹ پیش کرنے کی ہدایات بھی کی گئیں ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں