تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

عوامی تحریک کا 6 اگست سے بڑے شہروں میں دھرنوں کا اعلان

لاہور: پاکستان عوامی تحریک نے چھ اگست سے احتجاجی تحریک چلانے کا اعلان کرتے ہوئے کہا ہے کہ ملک بھر کے بڑے شہروں‌ میں‌ دھرنا دے کر سانحہ ماڈل ٹائون کے قاتلوں کی گرفتاری کے لیے احتجاج کریں‌ گے۔

تفصیلات کے مطابق علامہ طاہرالقادری نے چھ اگست سے قومی تحریک کا اعلان کردیا۔ سانحہ ماڈل ٹاؤن کےمتاثرین کیلئے انصاف اورپانامالیکس کرداروں کوبے نقاب کرنے کیلئے ملک کی پچیس جماعتوں نے مشن بنالیا۔

لاہور میں پاکستان عوامی تحریک کے زیراہتمام قومی مشاورتی اجلاس کے بعد میڈیا سے بات چیت کرتے ہوئے پاکستان عوامی تحریک کے سربراہ ڈاکٹر طاہر القادری نے کہا کہ انصاف کے حصول کیلئے چھ اگست سے احتجاجی تحریک چلائیں‌ گے۔

اجلاس میں پیپلزپارٹی، تحریک انصاف، جماعت اسلامی، ایم کیوایم سمیت دیگرجماعتوں کے رہنماؤں نے شرکت کی۔

انہوں نے کہا کہ سانحہ ماڈل ٹاؤن کے شہدا کا خون معاف نہیں کریں گے،احتجاجی تحریک سانحہ ماڈل ٹاؤن کے قاتلوں کی گرفتاری اور پاناما لیکس کی تحقیقات کے حوالے سے چلائی جائے گی۔

انہوں نے کہا کہ تحریک کے دوران ملک کے تمام بڑے شہروں میں احتجاج ہوگا، یہ تحریک پاناما لیکس کے کرداروں کے منطقی انجام تک جاری رہے گی۔

ڈاکٹر طاہر القادری نے کہا کہ 6 اگست کو ملک کے بڑے شہروں میں دھرنا دیا جائے گا ، آخری دھرنا 30 اگست کو اسلام آباد میں ہوگا، انہوں نے اس عزم کا اظہار کیا کہ حکمرانوں‌ کو ہرگز نہیں‌ چھوڑیں‌ گے ان سے خون کا بدلہ لیا جائے گا.

انہوں نے کہا کہ کرپٹ حکمرانوں کو کہیں چھپنے کی جگہ نہیں ملے گی،عوام سانحہ ماڈل ٹاؤن کے شہدا کا قصاص لے کر ہی رہیں گے، حکمرانوں کو سانحہ ماڈل ٹاؤن کے شہدا کے خون کا حساب دینا ہی ہوگا.

 

Comments

- Advertisement -