The news is by your side.

Advertisement

اہم عہدے پر تعیناتی :عون چوہدری وزیر اعظم شہباز شریف کے شکر گزار

لاہور : جہانگیر ترین گروپ کے رہنما عون چوہدری نے نئی حکومت میں اہم ذمہ داری ملنے پر وزیر اعظم شہباز شریف کا شکریہ ادا کیا۔

تفصیلات کے مطابق ترین گروپ کے رہنما عون چوہدری نے سماجی رابطے کی ویب سائٹ ٹوئٹر پر اپنے پیغام میں کہا کہ میں اپنے وزیر اعظم شہباز شریف صاحب کاتہہ دل سےشکرگزار ہوں انہوں نے مجھے اس پیارےوطن کی خدمت کی اہم ذمہ داری سونپی، ملکی ترقی کیلئے خدمت اور تعاون کی پوری کوشش کروں گا۔

یاد رہے حکومت نے ترین گروپ کے رہنما عون چوہدری کو وزیراعظم کا مشیر مقرر کرنے کا فیصلہ کیا تھا۔

عون چوہدری کے علاوہ امیر مقام ، قمر زمان کائرہ اور مفتاح اسماعیل بھی وزیراعظم کے مشیر ہوں گے۔

خیال رہے گذشتہ روز وزیراعظم شہباز شریف کی وفاقی کابینہ نےحلف اٹھایا تھا ، کابینہ میں اکتیس وزراء اور تین وزرائے مملکت شامل ہیں۔

جن میں سے چودہ کا تعلق ن لیگ، گیارہ کا پیپلز پارٹی، چار کا جے یو آئی اور دو کا ایم کیوایم سے ہے

Comments

یہ بھی پڑھیں