تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

مانچسٹر: 19 سالہ مسلمان طالبہ کے قتل میں ملوث ملزمان پر فرد جرم عائد

مانچسٹر: برطانوی شہر بلیک برن میں 19 سالہ طالبہ آیہ ہاشم کے قتل کی واردات میں ملوث 2 ملزمان پر فرد جرم عائد کردی گئی۔

اے آر وائی نیوز کی رپورٹ کے مطابق برطانیہ میں چند روز قبل افطاری لینے نکلنے والی مسلمان طالبہ کو نامعلوم افراد نے فائرنگ کرکے قتل کردیا تھا، مقتولہ کا تعلق لبنان سے تھا، پولیس نے قتل میں ملوث 2 افراد کو چارج کرلیا۔

برطانوی پولیس کا کہنا ہے کہ فیروز سلیمان اور ابوبکر ساتیا کو قتل اور اقدام قتل کی دفعات کے تحت چارج کیا گیا ہے، دونوں ملزمان کو کل مجسٹریٹ کورٹ میں پیش کیا جائے گا۔

مزید پڑھیں: برطانیہ میں افطاری کے لیے نکلنے والی لڑکی کو گولی مار دی گئی

واضح رہے کہ چند روز قبل آیہ ہاشم کواس وقت قتل کردیا گیا تھا جب وہ گھر سے افطاری لینے نکلی تھیں، پولیس کا کہنا تھا کہ مقتولہ آیہ ہاشم سلفورڈ یونیورسٹی میں قانون کی طالب علم تھیں اور فلاحی تنظیموں کے ساتھ ملکر رضاکارانہ خدمات سر انجام دیتی رہتی تھیں اور اس دوران انہوں نے کئی ایوارڈز بھی اپنے کیے۔

برطانوی پولیس کے مطابق مقتولہ افطاری کے اوقات میں افطار کا سامان لینے کےلیے گھر سے نکلی تھیں کہ سڑک پر چلتی ہوئی کار سے نامعلوم فرد نے گولی مار دی۔ خاتون کو انتہائی زخمی حالت میں اسپتال منتقل کیا گیا تاہم وہ راستے میں ہی دم توڑ گئیں۔

Comments

- Advertisement -
زاہد نور
زاہد نور
زاہد نور اے آر وائے نیوز کے ساتھ مانچسٹر سے بطور نمائندہ خصوصی منسلک ہیں