site
stats
پاکستان

ایان علی ای سی ایل کیس 3اکتوبر کو سُن کر فیصلہ سُنانے کی ہدایت

اسلام آباد: ایان علی ای سی ایل کیس میں سپریم کورٹ نے سندھ ہائی کورٹ کوکیس تین اکتوبر کو سُن کر فیصلہ سُنانے کی ہدایت کردی۔

تفصیلات کے مطابق ایان علی کی ای سی ایل سے نام نکلوانے کیلئے کوششیں جاری ہے، سپریم کورٹ میں ای سی ایل کیس کی سماعت چیف جسٹس انورظہیر جمالی کی سربراہی میں تین رکنی بنچ نے کی۔ عدالت نے دلائل سُننے کے بعد سندھ ہائی کورٹ کو ہدایت دی کہ ای سی ایل کیس تین اکتوبر کو سُن کر فیصلہ کرے ۔

چیف جسٹس نے ریمارکس میں کہا کہ پندرہ جون کو ایان علی ای سی ایل معاملہ جلد نمٹانے کا حکم دیا تھا، سپریم کورٹ کےواضح حکم کےباوجود ہائی کورٹ کو لمبی تاریخ نہیں دینی چاہیے تھی۔

یاد رہے کہ  سپریم کورٹ نے پندرہ جون کو ہدایت جاری کی تھی کی ملزمہ کا نام ای سی ایل سے نکالنے کے کیس کو جلد نمٹایا جائے۔


مزید پڑھیں : اب کسی نئے کیس میں ایان علی کا نام ای سی ایل میں نہ ڈالا جائے، عدالت کا حکم


اس سے قبل ماڈل گرل ایان علی کی جانب سے سندھ ہائی کورٹ میں توہین عدالت کیس کی سماعت، سیکریٹری داخلہ اور فریقین کو نوٹس جاری کئے تھے اور حکم دیا تھا کہ ’کسی اور کیس میں ایان علی کا نام ای سی ایل میں ہرگز شامل نہ کیا جائے‘‘۔


مزید پڑھیں : ماڈل گرل ایان علی کا نام ای سی ایل میں شامل


واضح رہے سندھ ہائی کورٹ کی جانب سے حکم جاری کر کے ایان علی کا نام ای سی ایل سے خارج کردیا گیا تھا، مگر کراچی ائیرپورٹ پر امیگریشن حکام نے ماڈل گرل کو بیرون ملک روانہ ہونے سے روکتے ہوئے کہا کہ وفاقی وزارتِ داخلہ کی جانب سے نام خارج کرنے کے کوئی احکامات موصول نہیں ہوئے، جس کے بعد ماڈل گرل کو واپس روانہ کردیا گیا تھا۔

وازاتِ داخلہ پنجاب نے مقتول انسپیکٹر کی بیوہ کی درخواست پر ایان علی کا نام دوبارہ ای سی ایل میں ڈالا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top