The news is by your side.

Advertisement

وزیراعظم کا عہدہ نوازشریف کے پاس ہی رہے گا، اسپیکر اسمبلی

لاہور: اسپیکر قومی اسمبلی سردار ایاز صادق نے کہا ہے کہ کلبھوشن کو رعایت نہ دینے پر تمام سیاسی جماعتیں متفق ہیں ، کرنل (ر) حبیب ظاہر کو منصوبہ بندی کے تحت اغوا کیا گیا، وزیر اعظم کا عہدہ نوازشریف کے پاس ہی رہے گا۔

لاہور میں میڈیا سے گفتگو کرتے ہوئے اسپیکر قومی اسمبلی نے کہا کہ پیر کو رضا ربانی کو منانے خوجاؤں گا اور کوشش کروں گا کہ وہ نشست سے استعفیٰ نہ دیں، چیئرمین سینٹ کا شکوہ جائز ہے اُسے دور کرنے کے لیے کوشش کی جارہی ہیں۔

انہوں نے کہا کہ وزیراعظم کی تبدیلی کی خبر صرف خوش فہمی ہے، وزیر اعظم کا عہدہ نوازشریف کے پاس ہی رہے گا اور ملک ایسے ہی ترقی کرتا رہے گا، پانامامیں کچھ ہوتاتومیں بھی ریفرنس بھیج دیتا۔

ایاز صادق نے مزید کہا کہ  16گھنٹے تونہیں مگرلوڈشیڈنگ ضرور ہورہی ہے، توقع اور ضرورت کے مطابق ڈیموں میں پانی نہیں آیا ورنہ بجلی کی قلت کا مسئلہ حل ہوجاتا۔  اُن کا کہنا تھا کہ میں اسپیکر صرف اللہ کی مہر بانی سے بنا اس لیے غیر جانبدار رہ کر کام کرتا ہوں۔

اسپیکر قومی اسمبلی نے کہا کہ ڈان لیکس کا فیصلہ جلد آجائے گا،  کلبھوشن کو رعایت نہ دینے پر تمام سیاسی جماعتیں متفق ہیں۔

Print Friendly, PDF & Email

Comments

comments

یہ بھی پڑھیں