اسلام آباد : اسپیکر قومی اسمبلی کے لئے ن لیگ کے نامزد امیدوارایاز صادق نے ووٹوں کیلئے توڑ جوڑ شروع کردی ہے۔
ایاز صادق نے پارلیمنٹ لاجز میں فاٹا کے وفد سے ملاقات کی ہے جس میں انہوں نے فاٹا کےاراکین سے حمایت کی درخواست کی ہے ۔
جواب میں فاٹا کےاراکین نے حمایت کے لئے شرائط پیش کردی ہیں ۔ اراکین نے مطالبہ کیا ہے کہ فاٹا کے عوام کودیگرشہریوں کی طرح حقوق دیئے جائیں ۔
ان کا کہنا تھا کہ فاٹا کےعوام سولہ دسمبر کوپارلیمنٹ کی طرف لانگ مارچ کریں گے۔ انہوں نے مطالبہ کیا کہ وزیراعظم نواز شریف لانگ مارچ سےقبل فاٹا کےعوام کےحقوق کیلئےاعلان کریں۔
انہوں نے کہا کہ وزیراعظم فوری طور پر اعلان کریں گے تو ہم لانگ مارچ ملتوی کرینگے اور اس کے بعد ایاز صادق کی حمایت بھی کریں گے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں