اسلام آباد : قومی اسمبلی اسپیکر ایاز صادق نے اختیارات کا غلط استعمال کرتے ہوئے اپنے پرائیویٹ سیکریٹری مشتاق کوخلاف قواعدگریڈ بیس دیدیا، سنیارٹی لسٹ میں مشتاق کا پینتالیسواں نمبرتھا۔ نظر انداز کیے گئے چالیس سے زائد پرائیویٹ سیکریٹریز سراپا احتجاج ہیں۔
تفصیلات کے مطابق اسپیکر قومی اسمبلی ایاز صادق کا اختیارات نے غلط استعمال کرتے ہوئے میرٹ کی دھجیاں اڑا دیں، ذرائع کا کہنا ہے کہ قومی اسمبلی سیکریٹریٹ میں میرٹ نظرانداز کرکے ترقی دیدی گئی۔
اسپیکر ایاز صادق نے اپنے پرائیویٹ سیکریٹری مشتاق کو خلاف قواعد گریڈ بیس دیدیا، سنیارٹی لسٹ میں مشتاق کا 45واں نمبرتھا۔
دوسری جانب نظرانداز کیے گئے چالیس سے زائد پرائیویٹ سیکریٹریز سراپا احتجاج ہیں ، پرائیویٹ سیکریٹریز نے ناانصافی کےخلاف اسپیکرکو تحریری درخواست بھی دے دی۔
اس سے قبل سیکریٹری ٹو اسپیکرسعید میتلا کو بھی خلاف قواعد ترقی دی گئی۔
ذرائع کے مطابق سعید میتلا اورمشتاق نے کوئی کورس کیا نہ ہی کسی قسم کی ٹریننگ کا حصہ تھے۔
