The news is by your side.

Advertisement

پیپلزپارٹی رہنما ایاز سومرو کو سپرد خاک کردیا گیا

شہداد کوٹ: سابق وزیر قانون، پیپلزپارٹی کے رہنما ایاز سومرو کو ان کے آبائی گاؤں شہداد کوٹ میں سپرد خاک کردیا گیا۔

تفصیلات کے مطابق سابق وزیر قانون اور پیپلزپااٹی کے رہنما ایاز سومرو کی نماز جنازہ لاڑکانہ بے نظیر بھٹو شہید اسٹیڈیم میں ادا کرنے کے بعد ان کے آبائی گاؤں شہداد کوٹ میں سپرد خاک کردیا گیا۔

ایاز سومرو کی نماز جنازہ میں چیئرمین پیپلزپارٹی بلاول بھٹو، وزیر اعلیٰ سندھ سید مراد علی شاہ، سابق وزیر اعلیٰ سندھ قائم علی شاہ، اسپیکر سندھ اسمبلی آغا سراج درانی، صوبائی وزیر داخلہ سہیل انور سیال سمیت پی پی رہنماؤں اور کارکنوں کی بڑی تعداد نے شرکت کی۔

مزید پڑھیں: پیپلزپارٹی کے ایم این اے ایازسومروانتقال کرگئے

واضح رہے کہ ایاز سومرو دل کے عارضے میں مبتلا تھے اور نیویارک میں زیر علاج تھے، ان کی عمر 59 برس تھی، وہ علاج کے غرض سے 20 روز قبل ہی امریکا گئے تھے۔

پیپلزپارٹی رہنما ایاز سومرو حلقہ این اے 204 لاڑکانہ سے رکن قومی اسمبلی منتخب ہوئے تھے، مرحوم ایاز سومرو رکن سندھ اسمبلی اور صوبائی وزیر قانون بھی رہے۔

سابق صدر آصف علی زرداری کا ایاز سومرو کے انتقال پر کہنا تھا کہ وہ پاکستان پیپلزپارٹی کا اثاثہ تھے، ان کی جمہوریت اور پارٹی کے لیے قربانیاں ناقابل فراموش ہیں، پارٹی اور بھٹو خاندان ان کے انتقال پر غمزدہ ہے۔

یاد رہے کہ وزیر اعلیٰ سندھ سید مراد علی شاہ اور پیپلزپارٹی کے سینئر رہنماؤں نے گزشتہ ماہ 20 فروری کو این آئی سی وی ڈی میں ایاز سومرو کی عیادت کی تھی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں