site
stats
پاکستان

وزیراعظم کا اعلان، عائشہ گلالئی کے عمران خان پر الزامات کی تحقیقات کیلئے کمیٹی کے قیام کی تحریک منظور

اسلام آباد : عائشہ گلالئی کے عمران خان پر الزامات کے بعد وزیراعظم شاہد خاقان عباسی نے تحقیقاتی کمیٹی کا اعلان کردیا اور کہا جو بھی الزامات لگے ہیں ان کی تحقیقات ان کیمرہ ہونی چاہیے، جس کے بعد کمیٹی کے قیام کی تحریک منظور کرلی گئی۔

تفصیلات کے مطابق وزیراعظم شاہد خاقان عباسی نے قومی اسمبلی میں اظہار خیال کرتے ہوئے کہ کہ عمران خان پر جو بھی الزامات لگے ہیں ان کی تحقیقات ہونی چاہیے جبکہ عائشہ گلالئی کے الزامات پر بھی کمیٹی بنائی جائے گی۔

انہوں نے معاملے کی تحقیقات کیلئے پارلیمانی کمیٹی قائم کرنے کی تجویز بھی دی اور کہا کہ عائشہ گلالئی کے الزامات پر پارلیمنٹ کی ایک خصوصی کمیٹی قائم کی جائے، جو اِن کیمرہ تحقیقات کرے۔

وزیراعظم نے کہا کہ اگر عائشہ گلالئی نے وفاقی حکومت کو سیکیورٹی کی درخواست کی، تو انہیں ضرور سیکیورٹی فراہم کی جائے گی ، عائشہ گلالئی کی سیکیورٹی سے متعلق بھی آئی جی کو ہدایت کردی ہے، آئی جی اسلام آباد اگلے 24 گھنٹے میں عائشہ گلالئی کو سیکیورٹی دیں گے۔

شیخ رشید کے حوالے سے شاہد خاقان کا کہنا تھا کہ شیخ رشید کا معاملہ ہاؤس کا ہے اور ہاؤس میں ہی حل ہونا چاہیے، شیخ رشید کے معاملے پر ان کیمرہ سیشن ہونا چاہیے، آئی جی اسلام آباد کو ہدایت کردی ہے ، شیخ رشید کو سیکیورٹی دیں گے۔

عائشہ گلالئی کے عمران خان پر الزامات کی تحقیقات کیلئے کمیٹی کے قیام کی تحریک منظور

دوسری جانب  عائشہ گلالئی کے معاملے پر تحقیقاتی کمیٹی کے قیام کی تحریک منظور کرلی گئی ، تحریک مسلم لیگ(ن) کی عارفہ خالد نے پیش کی ، کمیٹی تحقیقات کرکے ایک ماہ میں رپورٹ پیش کریگی۔

شیخ رشید کے معاملے پر قومی اسمبلی  میں کیپٹن(ر)صفدر نے ردعمل کا اظہار کرتے ہوئے کہا کہ   شیخ رشید  نے میرے 1500روپے کا ذکر کیا، میاں مرحوم دیتے تھے، جو آج بھی ملتے ہیں، یہ ہم نے جے آئی ٹی کو بتایا شیخ رشید کو اس کاعلم کیسے ہوا، یہ  جے آئی ٹی لیکس ہے، اس کی بھی  تحقیقات کرائی جائیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top