میری جان کوخطرہ ہے، سیکیورٹی فراہم کی جائے،عائشہ گلالئی -
The news is by your side.

Advertisement

میری جان کوخطرہ ہے، سیکیورٹی فراہم کی جائے،عائشہ گلالئی

اسلام آباد:عائشہ گلالئی کا کہنا ہے کہ میری جان کوخطرہ ہے، تیزاب پھینکنے کی دھمکیاں دی جارہی ہیں، سیکیورٹی فراہم کی جائے۔

تفصیلات کے مطابق عائشہ گلالئی نے عمران خان پر لگائے جانے والے الزامات پر دھمکیاں ملنے کے بعد سیکریٹری داخلہ کو خط لکھا ، جس میں سیکیورٹی فراہم کرنے کا مطالبہ کیا ہے۔

خط میں کہا گیا ہے کہ میری جان کوخطرہ ہے، مسلسل دھمکیاں مل رہی ہیں ، تیزاب پھینکنے کی دھمکی سوشل میڈیا پر دی جارہی ہے، جلد سیکیورٹی فراہم کی جائے۔

ذرائع کا کہنا ہے کہ وزیرا عظم نے عائشہ گلالئی کو سیکیورٹی فراہم کرنے کا حکم دیا تھا، جس کے بعد عائشہ گلالئی کوسیکیورٹی فراہم کردی گئی ہے۔

یاد رہے تین روز قبل عائشہ گلالئی نے تحریک انصاف چھوڑنے کا اعلان کیا اور پریس کانفرنس میں پی ٹی آئی پر سنگین الزام عمران خان اور رہنماؤں کے کردار پرانگلی اٹھائی تھی۔


مزید پڑھیں :  تحریک انصاف میں خواتین کی عزت محفوظ نہیں، عائشہ گلالئی 


عائشہ گلالئی نے کہا تھا کہ پارٹی میں عزت دارخواتین کی عزت نہیں، چئیرمین خود بھی خواتین کی عزت نہیں کرتے،  پارٹی میں اخلاقیات نہیں اس لیے چھوڑنے کا فیصلہ کیا۔

انہوں نے الزام عائد کیا کہ تحریک انصاف کے چیئرمین اور قیادت خواتین کارکنان کو نازیبا میسجز کرتی ہے، جس کی وجہ سے کئی خواتین کارکنان نالاں ہیں۔

جس کے بعدعائشہ گلالئی  کیخلاف سوشل میڈیا پر مہم چلائی جارہی ہے ، جس میں انکو تنقید کا نشانہ بنایا جاریا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

 

Comments

comments

یہ بھی پڑھیں