The news is by your side.

Advertisement

انتہائی افسوس ہے کچھ سیاسی جماعتوں نے پاک فوج کو سیاست میں گھسیٹا، عائشہ گلالئی

اسلام آباد : عائشہ گلا لئی نے کہا انتہائی افسوس ہے کچھ سیاسی جماعتوں نے پاک فوج کو سیاست میں گھسیٹا، بے نظیر آج کی خواتین کے لیے مثال ہیں وہ ہمت جرات کی تصویر تھی۔

تفصیلات کے مطابق عائشہ گلالئی نے ریفرنس پر سماعت میڈیا سے گفتگو کرتے ہوئے کہا کہ اداروں کا احترام اچھی بات ہے اپنا موقف دینا چاہیے، انتہائی افسوس ہے کچھ سیاسی جماعتوں نے پاک فوج کو سیاست میں گھسیٹا۔

عائشہ گلالئی کا کہنا تھا کہ فاٹا ریفارمز، آج تک ایمپلیمینٹ نہیں ہوئے۔ فاٹا کو کے پی کے میں ضم کیوں نہیں کیا جا رہا، فوج ایک فئیر اور قابل اعتماد ادارہ ہے اس کی مدد سے آئی پی ڈی کی بحالی کا عمل شروع کیا جائے۔

عائشہ گلالئی نے خواتین سے مخاط ہو کر کہا کہ بےنظیر آج کی خواتین کے لیے مثال ہیں وہ ہمت جرات کی تصویر تھی، میں مردوں سے کہوں گی خواتین کو گھروں میں بند رکھنا ٹھیک نہیں۔


مزید پڑھیں : عمران نیازی جیسا شخص پاکستان کو کرپشن فری کیسے بنا سکتا ہے، عائشہ گلالئی


اس سے قبل الیکشن کمیشن میں عائشہ گلالئی کے خلاف ریفرنس پر سماعت ہوئی، سماعت میں عائشہ گلالئی اور تحریک انصاف کے وکلاء الیکشن کمیشن میں پیش ہوئے۔

عدالت میں پی ٹی آئی کی جانب سے مزید دستاویزات جمع کروائے گئے، وکیل نے کہا کہ عائشہ گلالئی کے جواب کی روشنی میں نئے دستاویزات جمع کروائے۔

دوسری جانب عائشہ گلالئی کے وکیل نے نئے دستاویزات پر جواب جمع کرانے کے لیے وقت مانگ لیا، بعد ازاں کیس کی سماعت 4 اکتوبر تک ملتوی کر دی گئی۔

یاد رہے کہ پی ٹی آئی چیئرمین عمران خان نے عائشہ گلالئی کو پارٹی سے نکالنے کا فیصلہ کرتے ہوئے الیکشن کمیشن اور اسپیکر قومی اسمبلی سے بھی کارروائی کی درخواست کی تھی۔

عمران خان نے عائشہ گلالئی کو آخری نوٹس بھجواتے ہوئے نوٹس کی کاپی اسپیکر قومی اسمبلی ،چیف الیکشن کمیشن کو بھی بھجوا دی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں