ممبئی(19 اگست 2026): رئیلٹی شو بگ باس 17′ سے شہرت حاصل کرنے والی بھارتی اداکارہ عائشہ خان کی ایک سوشل میڈیا پوسٹ نے سب کی توجہ حاصل کرلی ہے۔
عائشہ خان نے اپنے آفیشل انسٹاگرام پر ایک پوسٹ شیئر کی ہے جس میں انہیں ایک نامعلوم شخص کے ساتھ کچھ رومانوی انداز میں پوز دیتے ہوئے دیکھا جا سکتا ہے۔
تصاویر میں مداحوں کی توجہ حاصل کرنے کے لیے جان بوجھ کر اس شخص کا چہرہ چھپایا گیا ہے، جس کے بعد مداح یہ سوچنے پر مجبور ہو گئے ہیں کہ آیا بَگ باس اسٹار نے اپنی نجی زندگی میں کوئی بڑا قدم اٹھا لیا ہے۔
View this post on Instagram
تاہم دوسری رپورٹوں میں یہ بات بھی کہی جا رہی ہے کہ یہ تصاویر ممکنہ طور پر عائشہ کے کسی جیولری برانڈ کے ساتھ اشتراک کا حصہ ہیں، کیونکہ ان کے کیپشن نے کسی ذاتی اعلان کے بجائے فوٹو شوٹ کی طرف اشارہ کیا ہے۔
عائشہ خان نے اپنی پوسٹ کے کیپشن میں صرف ’ایک خواب‘ لکھا، جس نے ان کے مداحوں کو تجسس میں مبتلا کر رکھا ہے۔
اداکارہ نے تاحال اس بات کی کوئی تصدیق نہیں کی کہ آیا وہ واقعی منگنی کر چکی ہیں یا وہ پراسرار شخص ان کی زندگی میں کوئی خاص اہمیت رکھتا ہے کیوں کہ حال ہی میں انہوں نے میڈیا میں اپنی ذاتی تعلقات کے بارے میں بات کرنے سے گریز کیا تھا۔
واضح رہے کہ عائشہ خان اس وقت بڑی شہرت کی دہلیز پر آئیں جب انہوں نے بطور وائلڈ کارڈ مسابقتی امیدوار ’بگ باس 17‘ میں ڈرامائی انٹری دی تھی۔
شو کے دوران کامیڈین اور رئیلٹی شو کے فاتح منور فاروقی کے ساتھ ان کے تعلقات نے کافی سرگرمیاں پیدا کی تھیں، تاہم بعد میں دونوں نے راہیں الگ کرلی تھیں۔
