شوبز انڈسٹری کی معروف اداکارہ عائزہ خان نے اداکار و شوہر دانش تیمور سے علیحدگی کی افواہوں پر خاموشی توڑ دی ہے۔
حال ہی میں اداکارہ عائزہ خان نے سوشل میڈیا پر اپنے انداز میں نمایاں تبدیلیاں کیں اور چند تصاویر شیئر کیں جس پر ان کے روایتی اور سادہ لباس پسند کرنے والے مداح حیران رہ گئے۔
تاہم ان کی نجی زندگی سے متعلق قیاس آرائیوں کو اس وقت مزید ہوا ملی جب وہ شوہر دانش تیمور کے ڈرامے کی سنیما پریمیئر تقریب میں شریک نہ ہوئیں۔
اس کے علاوہ عائزہ خان کی جانب سے انسٹاگرام پر دانش تیمور کے ساتھ بعض تصاویر ہٹانے یا ان میں ترمیم کرنے کی بات بھی سامنے آئی، جسے سوشل میڈیا صارفین نے ان کے بدلتے ہوئے انداز کے ساتھ جوڑتے ہوئے دونوں کی مبینہ علیحدگی کے بارے میں سوالات اٹھانا شروع کردیے۔
Lifestyle News – Latest Entertainment News, Celebrity Gossip
تاہم اب عائزہ خان نے ایک فین پیج کی جانب سے کیے گئے تبصرے کا جواب دیتے ہوئے ان افواہوں کو مسترد کردیا ہے۔ اداکارہ نے واضح کیا کہ ان کی طلاق یا علیحدگی سے متعلق سوشل میڈیا پر گردش کرنے والی خبریں بے بنیاد اور جعلی ہیں۔
