پاکستان میں صدرِ مملکت کے منصب پر طویل مدت تک فائز رہنے والے صدر کون ہیں؟
The news is by your side.

Advertisement

پاکستان میں صدرِ مملکت کے منصب پر طویل مدت تک فائز رہنے والے صدر کون ہیں؟

کراچی : ملکی تاریخ میں سب سے طویل مدت تک منصب صدارت پر فائز رہنے والے جنرل ایوب خان تھے، وہ دس سال سے زائد عرصے تک صدر کے عہدے پر موجود رہے۔

تفصیلات کے مطابق ملکی تاریخ میں یوں تو سب سے زیادہ طویل دور حکمرانی ضیا الحق کا ہے لیکن اگرصدر مملکت کے منصب کی بات کی جائے تو طویل ترین دور حکمرانی ایوب خان کا تھا، جو دس سال، چار مہینے ماہ سے زائد عرصے تک صدر مملکت رہے۔

پاکستان کے پہلےصدراسکندر مرزا دو سال ، سات مہینے اور چار دن ،ایوب خان دس سال، چار مہینے اور چھبیس دن ، یحیٰ خان دو سال، آٹھ مہینے اور پچیس دن تک صدر رہے۔

ذوالفقار علی بھٹو ایک سال ، سات مہینے چوبیس دن ، فضل الہی چوہدری پانچ سال، ایک مہینہ اور تین دن ضیا الحق نو سال، گیارہ مہینے اور ایک دن تک صدارت منصب پر فائر رہے۔

غلام اسحاق خان چار سال اوراٹھارہ دن ،فاروق لغاری چار سال اور اٹھارہ دن ،رفیق تارڑ تین سال، پانچ مہینے اور انیس دن، پرویز مشرف سات سال، ایک مہینہ اور انتیس دن صدر رہے۔

آصف علی زرداری پانچ سال جبکہ ممنون حسین تقریباً پانچ سال سے صدر مملکت ہیں۔

خیال رہے ملک کے 13ویں صدر کے انتخاب کے لیے پولنگ کا آغاز ہوگیا ہے،  ملک کی قومی، چاروں صوبائی اسمبلیوں اور سینیٹ میں صدارتی انتخاب کے سلسلے میں ووٹ ڈالے جائیں گے۔

پولنگ صبح دس بجے سے شام چار بجے تک جاری رہے گی۔

صدارتی الیکشن کے سلسلے میں سینیٹ سمیت قومی اور صوبائی اسمبلیوں کو پولنگ اسٹیشنز میں تبدیل کردیا گیا ہے۔ پولنگ میں 1121 ارکان پارلیمان حصہ لیں گے۔

Comments

comments

یہ بھی پڑھیں