site
stats
پاکستان

کرنسی اسمگلنگ کیس کا فیصلہ آج سنائے جانے کاامکان، ایان علی کراچی روانہ

راولپنڈی : کرنسی اسمگلنگ کیس میں ماڈل ایان علی کو عدم ثبوت پر بری کرنے کی درخواست پر فیصلہ آج سنائے جانے کاامکان ہے۔

ماڈل ایان علی کو کراچی جانے کی اجازت مل گئی، تفصیلات کے مطابق کسٹمز کی خصوصی عدالت کے جج رانا آفتاب احمد خان نے کرنسی اسمگلنگ کیس میں گزشتہ سماعت پر فریقین کے وکلاء کے دلائل مکمل ہونے کے بعد فیصلہ محفوظ کرلیا۔

جسے آج سنائے جانے کا امکان ہے۔ درخواست گذار کے وکیل سردار لطیف کھوسہ نے کسٹمز کے وکیل کے دلائل کے جواب میں کہا تھاکہ جس کرنسی پر کیس بنایا گیاوہ رقم ماڈل ایان نے اسلام آباد ایئر پورٹ پر اپنے بھائی کو دینی تھی۔

علاوہ ازیں کرنسی اسمگلنگ کیس میں ماڈل ایان علی کو فیصلہ سنائے جانے سے پہلے ہی کراچی جانے کی اجازت مل گئی۔

اس سے قبل ایان علی اپنی روایتی انداز میں عدالت میں پیش ہوئیں، سردی کے پیش نظر ایان علی کندھوں پر قیمتی شال ڈال کر عدالت آئیں، عدالت کے ٹوٹے پھوٹے راستے کے درمیان گارڈز اور کیمروں کے جھرمٹ میں ماڈل گرل کے انداز ہی نرالے تھے کیونکہ آج انہیں کراچی جاناتھا۔

عدالت میں ایان علی نے کہا کہ ان کی کراچی کی فلائیٹ میں تاخیر ہورہی ہے، جانے کی اجازت دی جائے۔

جج رانا آفتاب احمد خان نے ایان علی کیس میں بریت کا فیصلہ سنانے سے پہلے ہی کراچی جانے کی اجازت دے دی۔

اجازت ملتے ہی ایان نے بھی عافیت جانی اور فیصلے سے پہلے ہی اپنی شاندار گاڑی میں بیٹھ کر روانہ
ہوگئیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top