ایان علی کی کرنسی اسمگلنگ کیس میں بریت کیلئے لاہور ہائیکورٹ میں درخواست دائر -
The news is by your side.

Advertisement

ایان علی کی کرنسی اسمگلنگ کیس میں بریت کیلئے لاہور ہائیکورٹ میں درخواست دائر

لاہور: کرنسی سمگلنگ کیس میں معروف ماڈل ایان علی نے بریت کے لئے لاہور ہائیکورٹ میں درخواست دائر کردی۔

درخواست میں آیان علی کی جانب سے مؤقف اختیار کیا گیا کہ اس پر کرنسی سمگلنگ کا لگایا گیا الزام جھوٹا ہے، ایان علی کا کوئی تعلق نہیں، اس حوالے سے کوئی ثبوت یا گواہ موجود نہیں۔

آیان علی کے مطابق اسے ایئرپورٹ سکیورٹی نے گرفتار کیا، کسٹمز نے نہیں، ان کے خلاف کرنسی سمگلنگ کا کیس درج ہی نہیں کیا جا سکتا۔ ماتحت عدالت نے ناکافی شواہد کے باوجود اس کی بریت کی درخواست مسترد کی.

آیان علی کی جانب سے مؤقف اختیار کیا گیا کہ عدالت نے فرد جرم عائد کرنے کے حوالے سے بھی قوانین کو نظرانداز کیا، لہذا ہائیکورٹ ماتحت عدالت کی جانب سے بریت کی درخواست مسترد کرنے کے فیصلے کو کالعدم قرار دے.

یاد رہے کہ دو روز قبل کرنسی اسمگلنگ کیس میں ماڈل ایان علی پر فرد جرم عائد کردی گئی تھی جبکہ ایان علی نے عدالت میں صحت جرم سے انکار کردیا ہے اور کہا کہ وہ تفصیلی بیان ریکارڈ کرانا چاہتی ہے.

واضح رہے کہ سپر ماڈل ایان علی کو رواں برس 14 مارچ کو اسلام آباد کے بینظیر انٹرنیشنل ایئرپورٹ سے دبئی جاتے ہوئے اُس وقت حراست میں لیا گیا تھا، جب دورانِ چیکنگ ان کے سامان میں سے 5 لاکھ امریکی ڈالر برآمد ہوئے تھے۔

Comments

comments

یہ بھی پڑھیں