ہفتہ, فروری 15, 2025
اشتہار

ای سی ایل میں نام : ایان علی نے توہین عدالت کی درخواست دائرکردی

اشتہار

حیرت انگیز

اسلام آباد : ماڈل گرل ایان علی نے ایگزٹ کنٹرول لسٹ (ای سی ایل) سے نام خارج نہ کرنے پر وزارت داخلہ اور ایئرپورٹ حکام کے خلاف توہین عدالت کی درخواست دائر کردی۔

تفصیلات کے مطابق ڈالر گرل کرنسی اسمگلنگ کے الزام میں جرمانہ بھگتنے کے باوجود ملک سے باہر جانے میں کامیاب نہیں ہو رہیں۔

گزشتہ روز مقدمہ کی سماعت میں پیشی پر سپریم کورٹ نے حکم دیا تھا کہ ایان علی کی نقل و حرکت پر پابندی نہیں لگائی جاسکتی۔ جس کے بعد ایان علی نے وزارت داخلہ سے اپنا نام ای سی ایل سے نکالنے کی درخواست کی تھی، لیکن وزارت نے ہری جھنڈی دکھا دی۔

اب ماڈل گرل ایان علی نے سپریم کورٹ میں وزارت داخلہ اور ایئرپورٹ حکام کے خلاف توہین عدالت کی درخواست دائر کردی ہے۔

سپریم کورٹ میں دائر کی گئی درخواست میں سیکرٹری داخلہ، ایڈیشنل سیکرٹری داخلہ اور جناح ٹرمینل کے انچارج کو فریق بنایا گیا ہے۔

ایان علی نے جمعہ کےروز رات 10 بجے کی فلائٹ سے دبئی جانا تھا تاہم ان کا نام ای سی ایل میں ہونے کی وجہ سے انہیں اپنا ٹکٹ کینسل کرانا پڑا تھا۔ شاید ڈالر گرل کی سنی جائے لیکن وہ ٹکٹ تو بیکار ہو گیا جو ایان علی نے دبئی جانے کے لئے خریدا تھا۔

 

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں