site
stats
پاکستان

ڈیوٹی جج کا ایان علی کو پاسپورٹ دینے سے انکار

راولپنڈی: کرنسی اسمگلنگ کیس میں ماڈل ایان علی کے پاسپورٹ حوالگی کا معاملہ پھر لٹک گیا.

تفصیلات کے مطابق ایان علی پاسپورٹ واپس لینے کیلئے راولپنڈی کی کسٹم عدالت میں پیش ہوئیں، 10، 10 لاکھ روپے کے 2 مچلکے جمع کرائے۔ جج رانا آفتاب کے چھٹی پر ہونے کے باعث کیس کی سماعت ڈیوٹی جج صابر سلطان نے کی.

ڈیوٹی جج صابر سلطان نے ماڈل ایان علی کے مچلکے لینے سے انکار کردیا اور کہا کہ پاسپورٹ کی واپسی کا معاملہ حساس نوعیت کا ہے، جس کا فیصلہ ٹرائل کورٹ ہی کرے گی، ڈیوٹی جج نے ماڈل ایان علی کو کسٹم کورٹ سے رجوع کرنے کی ہدایت کرتے ہوئے کیس کی مزید سماعت 30 نومبر تک ملتوی کر دی .

یاد رہے کہ 3 روز قبل راولپنڈی کی کسٹم عدالت نے ماڈل ایان علی کی پاسپورٹ واپسی کی درخواست منظور کرتے ہوئے انہیں 10، 10 لاکھ روپے کے 2 مچلکے جمع کرانے کا حکم دیا تھا۔

واضح رہے کہ ایان علی کو رواں برس مارچ میں ساڑھے 5 لاکھ ڈالر دبئی اسمگلنگ کے الزام میں گرفتار کیا گیا تھا اور کسٹم حکام نے ماڈل کے پاسپورٹ بھی اپنے قبضے میں لے لئے تھے.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top