site
stats
سندھ

ایان علی کی درخواست مسترد، عدالت کا ماڈل گرل کو انتظار کا مشورہ

کراچی : سندھ ہائیکورٹ نے ماڈل ایان علی کی درخواست مسترد کردی۔ ڈالر گرل نے وفاقی سیکریٹری اور دیگرحکام کےخلاف توہین عدالت کی کارروائی کی درخواست دی تھی۔

تفصیلات کے مطابق ایان علی کانام ای سی ایل سے نکل کر ہی نہیں دے رہا، بیرون ملک جانے کیلئے مسافر ایئرپورٹ کا رخ کرتے ہیں لیکن ماڈل ایان علی کو اڑان بھرنے کیلئے عدالتوں کے چکر کاٹنے پڑ رہے ہیں۔

ماڈل گرل نے وزارت داخلہ کے خلاف ایک اور درخواست دائر کردی، ماڈل گرل ایان علی نے ای سی ایل سے نام نہ نکالے جانے پر وفاقی سیکریٹری داخلہ اور دیگر حکام کیخلاف درخواست دائر کی تھی۔

درخواست گزار کا مؤقف تھا کہ متعلقہ حکام نے عدالت کو گمراہ کیا کہ نام ای سی ایل سے نکال دیا گیا ہے، ان کیخلاف توہین عدالت کی کارروائی کرتے ہوئے درخواست کی فوری سماعت کی جائے۔

عدالت میں ایڈیشنل اٹارنی جنرل نے کہا کہ مذکورہ معاملہ سپریم کورٹ میں زیر سماعت ہے جب تک وہاں سے معاملہ نمٹ نہ جائے کوئی حکم جاری نہ کیا جائے۔

عدالت عالیہ نے ڈالر گرل کی درخواست مسترد کرتے ہوئے کہا کہ سپریم کورٹ کا حکم آنے کے بعد ہی اس معاملے کو دیکھا جائے گا۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top