لندن: برطانوی دارالحکومت میں پہلی بار تاریخی مقام پر اللہ اکبر کی صدائیں گونج اٹھیں۔
اے آروائی نیوز کے مطابق لندن میں واقع تاریخی ٹاور برج پر جمعۃ الوداع کے روز بین المذاہب ورچوئل افطار کا اہتمام کیا گیا۔ اس موقع پر برطانوی نژاد مسلمان شہری قاضی شفیق الرحمان نے روح پرور آواز میں اذان دی۔
افطار میں موجود مسلمانوں نے کہا کہ ’قاضی شفیق الرحمان کی آواز اور طرز نے مکہ کی اذان کی یاد دلا دی‘۔ انٹرنیٹ پر اس حوالے سے ویڈیو بھی سامنے آئی ہے، جس میں قاضی شفیق الرحمان کو اذان دیتے سنا جاسکتا ہے۔
Azaan being called at the historic London Tower Bridge for the first time ever.
Subhan Allah. pic.twitter.com/5KW14DfMna
— ⌛️ (@ElShabazzz) May 8, 2021
واضح رہے کہ لندن میں ہر سال بین المذاہب افطاری کا اہتمام کیا جاتا ہے ، جس میں تمام مذاہب سے تعلق رکھنے والے افراد شرکت کرتے ہیں۔
کرونا کی صورت حال کے باعث رواں سال اس تقریب کا مختصر پیمانے پر انعقاد کیا گیا، جس میں شرکت کرنے والے شرکا نے کرونا ایس او پیز پر عمل درآمد بھی کیا۔
