آزادجموں کشمیر میں عام انتخابات 2026 کی تیاریاں جاری ہیں اور اےجےکے الیکشن کمیشن نے ووٹر لسٹیں تیار کرنے کا عمل شروع کر دیا ہے۔
الیکشن کمیشن نے ووٹر لسٹوں کی تیاری کا شیڈول جاری کر دیا جس کے مطابق 7 اپریل کو ووٹر لسٹیں عوامی آگاہی کیلئے آویزاں کی جائیں گی اور 11 اپریل تک ووٹرلسٹوں پر اعتراضات جمع کرائےجا سکیں گے۔
اس حوالے سے جاری نوٹیفکیشن میں کہا گیا ہے کہ 11 سے 13 اپریل تک اعتراضات پر سماعت کی جائے گی جس کے بعد 14 اپریل کو مجاز اتھارٹی اعتراضات پر فیصلہ سنائے گی۔
17 اپریل تک فیصلوں پر نظرثانی کی جائے گی اور 20 اپریل کوحتمی ووٹرلسٹیں عوام کیلئےآویزاں کی جائیں گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں