The news is by your side.

Advertisement

آزادکشمیر میں عام انتخابات کیلئے پولنگ کل ہوگی

آزادکشمیر : عام انتخابات کیلئے پولنگ کل ہوگی، پیپلز پارٹی ، ن لیگ، پیپلزپارٹی اور پی ٹی آئی میں کانٹے کا مقابلہ ہے جبکہ انتخابی سامان کی ترسیل آج ہوگی۔

تفصیلات کے مطابق آزاد کشمیر میں انتخابی مہم اپنے اختتام کو پہنچی، پولنگ کل ہوگی، انتخابات کے دوران سیکیورٹی کے لیے فوج تعینات کی گئی ہے۔

آزاد کشمیر میں انتخابی گہما گہمی عروج پر ہے، ن لیگ، پیپلزپارٹی اور پی ٹی آئی میں کانٹے کا مقابلہ ہے، چار سو تئیس امیدوار میدان میں ہیں، آزاد کشمیر میں انتخابی سامان کی ترسیل آج ہوگی، آزاد کشمیر قانون ساز اسمبلی کی اکتالیس نشستوں پر براہ راست انتخاب ہو گا، بارہ نشستوں میں سے نو پنجاب، دو سندھ اور ایک خیبر پختونخوا کی نشست بھی شامل ہے۔

مہاجرین کیلئے مختص نشست ایل اے تیس جموں سندھ، بلوستان کے تمام اضلاع سمیت پنجاب کے دس اضلاع میاں چنوں، جھنگ، سرگودھا، میانوالی، ملتان، خوشاب، شیخوپورہ، ننکانہ، خانیوال، اوکاڑہ پر مشتمل ہے۔

ایل اے چھتیس کشمیر ویلی پر نو امیدوار آمنے سامنے ہیں، یہ حلقہ سندھ اور کوئٹہ پر مشتمل ہے، کراچی میں اس حلقے کیلئے سترہ پولنگ اسٹیشن بنائے گئے ہیں جبکہ کوئٹہ سمیت بلوچستان کے چھ اضلاع میں آٹھ پولنگ اسٹیشن قائم کر دئیے گئے، چنیوٹ میں کشمیریوں کیلئے دو پولنگ اسٹیشن قائم کیے گئے ہیں، چکوال میں بھی دو نشستوں کیلئے آٹھ پولنگ اسٹیشن بنائے گئے ہیں، جہلم میں دو حلقوں کیلئے چھبیس پولنگ اسٹیشن قائم کیے گئے ہیں۔

چیف الیکشن کمیشن آزاد کشمیر غلام مصطفی مغل کا کہنا ہے کہ کسی بھی جماعت کو قانون کی خلاف ورزی نہیں کرنے دیں گے، امن و امان برقرار رکھنے کیلئے سخت انتظامات کیے گئے ہیں۔

آئی ایس پی آر کے مطابق فوج شفاف الیکشن کے کرانے میں الیکشن کمیشن کی مدد کرے گی، فوجی دستے پولنگ اسٹیشن کے اندر اور باہر تعینات ہونگے، اس بات کا فیصلہ کور کمانڈر راولپنڈی کی چیف الیکشن کمشنر آزاد کشمیر اور چیف سیکریٹری سے ملاقات میں ہوا۔

دوسری جانب پیپلز پارٹی کے نوجوان قائد بلاول بھٹو زرداری نے بھرپور طریقے سے مہم چلائی اور جیالوں کے لہو کو گرمانے اور متحرک کرنے کو شش کی جبکہ ن لیگ کی مہم کے روح رواں وفاقی وزیراطلا عات پرویز رشید نے اپنی دھواں دھار تقاریر میں جہاں مخالفین پر طنز کے نشتر چلائے وہیں اپنی جماعت کی کامیابی کیلئے خاصے پر امید دکھائی دیئے۔

Print Friendly, PDF & Email

Comments

comments

یہ بھی پڑھیں