The news is by your side.

Advertisement

پیپلز پارٹی کا آزاد کشمیر میں ہونے والے انتخابات فوج کی نگرانی میں کرانے کا مطالبہ

اسلام آباد: پیپلز پارٹی نے آزاد کشمیر میں 21جولائی کو ہونے والے انتخابات فوج کی نگرانی میں کرانے کا مطالبہ کردیا۔

اسلام آباد میں پیپلز پارٹی کے رہنما و سابق وزیراعظم راجہ پرویز اشرف نے وزیراعظم آزاد کشمیر چوہدری عمدالمجید کے ہمراہ پریس کانفرنس میں کہا کہ کشمیر کاز کیلئے آزاد کشمیر میں صاف شفاف انتخابات کا انعقاد ضروری بنائے، انہوں نے کہا کہ پیپلز پارٹی آزاد کشمیر انتخابات میں کامیاب ہوکرپھر حکومت بنائے گی۔

راجہ پرویز اشرف کا کہنا تھا کہ عوام اور اپنی کارکردگی پر بھروسہ ہے۔

وزیراعظم آزاد کشمیر چوہدری عبدالمجید کا کہنا تھا کہ مسلم لیگ ن صرف خواب دیکھا رہی ہے جب کہ ہم نے آزاد کشمیر میں عملی کام کیے ہیں، انہوں نے آزاد کشمیر میں انتخابات فوج کی زیر نگرانی کرانے کا مطالبہ کردیا، پانچ سال عوام کی خدمت کی اور اب عوام کی عدالت جارہے ہیں۔

انہوں نے کہا کہ پیپلز پارٹی میں کوئی اختلافات نہیں ہیں مشاورت سے ٹکٹ جاری کیے ہیں،آزاد کشمیر کے انتخابات میں شکست کی صورت میں تمام تر ذمہ داری لینے کو تیار ہوں، اس موقع پر دونوں رہنماؤں نے آزاد کشمیر کے انتخابات کیلئے اپنے امیدواروں کا اعلان کردیا۔

Print Friendly, PDF & Email

Comments

comments

یہ بھی پڑھیں