مظفرآباد: آزاد کشمیر میں بھی تبدیلی آگئی، کشمیری عوام باری باری کھیلنے والی سیاسی جماعتوں کو مسترد کرتے ہوئے پی ٹی آئی کو سادہ اکثریت دلادی۔
اے آر وائی نیوز کو آزاد کشمیر کی قانون ساز اسمبلی کی تمام نشستوں پر ہونے والے انتخابات کے غیر حتمی اور غیر سرکاری نتائج موصول ہوگئے ہیں، جس کے مطابق پاکستان تحریک انصاف نے آزاد کشمیر الیکشن کا میدان مارلیا ہے۔
پی ٹی آئی نے45میں سے25نشستیں جیت لیں، پاکستان پیپلزپارٹی گیارہ نشستوں کےساتھ دوسرے نمبرپر جبکہ حکمران جماعت پاکستان مسلم لیگ کو بُری طرح شکست ہوئی اور وہ صرف چھ نشستیں حاصل کرسکی۔
مسلم کانفرنس اور جموں کشمیر پیپلزپارٹی کے حصے میں ایک ایک نشست آئی۔
آزاد کشمیر الیکشن میں تاریخی فتح پر پی ٹی آئی کارکنان کی جانب سے شہر شہر جشن منایا جارہا ہے۔
الیکشن کمیشن ذرائع کے مطابق الیکشن میں پولنگ کا ٹرن آؤٹ 58 فیصد رہا۔
پی ٹی آئی رہنماؤں کی عوام کو مبارک باد
آزاد کشمیر انتخابات میں اکثریت حاصل کرنے پر تحریک انصاف کے رہنماؤں نے عوام کو مبارکباد دی ہے، وفاقی وزیر مراد سعید نےکہا کہ آزاد کشمیر کےعوام نےعمران خان کےحق میں فیصلہ سنادیا۔
اللہ کا شکر ، کشمیر کا فیصلہ عمران خان ۔ کشمیر نے اپنے سفیر کے حق میں فیصلہ سنا دیا
— Murad Saeed (@MuradSaeedPTI) July 25, 2021
سینیٹر فیصل جاویدنےکہا کہ ن لیگ کے بیانیےکو کشمیریوں نےمسترد کردیا
“عمران خان کو کشمیر فروش کہنے والوں کو منہ کی کھانی پڑی” @FaisalJavedKhan
#بلے_پہ_ٹھپہ#ہوگئی_انصاف_کی_جیت pic.twitter.com/ixKKpavOSL— PTI (@PTIofficial) July 25, 2021
شہباز گل نے تاریخی کامیابی پر ٹوئٹ کرتے ہوئے کہا کہ پی ٹی آئی کا اسلامی فلاحی ریاست کا ایجنڈا اب کشمیر تک جائےگا۔
اللہ کی ذات کا لاکھ لاکھ شکر ہے کہ PTI نے کشمیر کا الیکشن واضح اکثریت سے جیت لیا ہے
اب ہمیں کشمیر میں ڈلیور کرنے کے لئے ایک بہترین ٹیم میدان میں اتارنی ہے
یہ مرحلہ سب سے اہم اور فیصلہ کن ہے
انشاللہ عمران خان مدینہ کی ریاست کے نظریے پر ایک بہترین ٹیم کے ساتھ کشمیر کی قسمت بدلیں گے— Dr. Shahbaz GiLL (@SHABAZGIL) July 26, 2021
آزاد کشمیر الیکشن میں سادہ اکثریت حاصل کرنے پر عثمان ڈار نےکہا کہ کشمیریوں کی محرومیوں کا ازالہ کریں گے۔
فردوس عاشق اعوان نے کہا کہ آزاد کشمیر میں تحریک انصاف کی فتح کشمیریوں کی عمران خان سےمحبت اوربیانیےکی جیت ہے۔
