آزاد کشمیر: نائب صدر مسلم لیگ (ن) مریم نواز آزاد کشمیر الیکشن میں ایک طرف وزیراعظم پر لفظی گولہ باری جاری رکھے ہوئی ہیں تو دوسری جانب مریم نواز کے جلسوں کے لئے اسکولز بند کرائے جارہے ہیں۔
پچیس جولائی کو آزاد کشمیر کے لوگ اپنے ووٹ کا حق استعمال کرتے ہوئے پاکستان تحریک انصاف، پیپلز پارٹی اور مسلم لیگ (ن) میں سے کسی ایک کو برسراقتدار لائیں گے۔
تمام سیاسی جماعتوں کی جانب سے بھرپور الیکشن مہم چلائی جارہی ہے، مسلم لیگ نون کی نائب صدر مریم نواز اب تک کئی جلسوں سے خطاب کرچکی، ان کے جلسوں کا ہدف وزیراعظم عمران پر تنقید کرنا ہے۔
آج بھی مریم نواز نے آزادکشمیر کے علاقے لیپہ میں گرلز ڈگری کالج کےگراؤنڈ میں جلسہ کیا، کالج میں انٹرمیڈیٹ کے امتحانات جاری تھے ، جلسے کے باعث طلبا کو پیپر دینے میں مشکلات کا سامنا رہا تاہم افسوسناک واقعہ اس وقت رونما ہوا جب مقامی افراد نے پرنسپل کو فوری طور پر پیپر ختم کرانے کا کہا جس پر پرنسپل نے جلسہ رکوانے کے بجائے بچیوں کا پرچہ ہی قبل از وقت ختم کرادیا۔
