The news is by your side.

Advertisement

آزاد کشمیر اتنخابات: سیکیورٹی کے فرائض پاک فوج انجام دے گی، آئی ایس پی آر

راولپنڈی : پاک فوج نے 25 جولائی کو آزاد کشمیر کی قانون ساز اسمبلی کے انتخابات میں سیکیورٹی کے فرائض انجام دینے کی ذمہ داری اٹھا لی۔

پاک فوج کے شعبہ تعلقات عامہ (آئی ایس پی آر) کے مطابق آزاد کشمیر الیکشن کمیشن نے پاک فوج کو سیکیورٹی انتظامات سنبھالنے کےلیے طلب کرلیا۔

آئی ایس پی آر کا کہنا ہے کہ پاک فوج کوئیک ری ایکشن فورس کے تحت 22 سے 26 جولائی تک آزاد کشمیر میں تعینات رہے گی جب کہ آزاد کشمیر پولیس اور دیگر قانون نافذ کرنے والے اہلکار بھی الیکشن کے دوروان فرائض انجام دیں گے۔

ترجمان پاک فوج کا مزید کہنا تھا کہ نیم فوجی دستے بشمول رینجرز اور ایف سی بھی فرائض سرانجام دیں گے، ان تمام انتظامات کا مقصد بلا تعطل پر امن انداز میں انتخابات کرانا ہے۔

واضح رہے کہ آزاد کشمیر کی قانون ساز اسمبلی کے انتخابات 25 جولائی کو ہوں گے۔

Comments

یہ بھی پڑھیں