آزاد کشمیر کے بلدیاتی انتخابات کے دوسرے مرحلے میں اب تک آنے والے نتائج کے مطابق پاکستان تحریک انصاف سب سے آگے ہے۔
اے آر وائی نیوز کے مطابق آزاد کشمیر میں بلدیاتی انتخاب کے دوسرے مرحلے میں 4 اضلاع میں ہونے والے الیکشن کے نتائج آنے کا سلسلہ جاری ہے۔ اب تک 67 نشستوں کے نتائج کا اعلان ہوچکا ہے جن میں پاکستان تحریک انصاف 27 نشستیں حاصل کرکے سب سے آگے ہے۔ ن لیگ نے 20 نشستوں پر کامیابی حاصل کی ہے۔ پاکستان پیپلز پارٹی 15 نشستوں پر کامیاب رہی ہے جب کہ 5 نشستیں آزاد امیدواروں کے ہاتھ آئی ہیں۔
ضلع باغ کی ضلع باغ کی ڈسٹرکٹ کونسل کی 28 نشستوں میں سے 24 کے نتائج آگئے ہیں۔ پاکستان تحریک انصاف 10 نشستیں جیت کر سب سے آگے ہے جب کہ پاکستان پیپلز پارٹی 5 نشستوں پر کامیابی کے ساتھ دوسرے نمبر پر ہے۔
آل جموں وکشمیر مسلم کانفرنس نے 4 نشستیں جیت لی ہیں۔ 3 آزاد امیدوار کامیاب ہوئے ہیں جب کہ ن لیگ کے ہاتھ صرف 2 نشستیں آتئی ہیں۔
ڈسٹرکٹ کونسل پلندری کی 18 نشستوں میں سے 14 کے نتائج جاری ہوئے ہیں۔ یہاں بھی پی ٹی آئی 8 نشستوں حاصل کرکے سب سے آگے ہے۔ ن لیگ نے چار نشستوں پر کامیابی حاصل کی ہے۔ ایک نشست جے یو آئی اور ایک پر آزاد امیدوار کامیاب ہوا ہے۔
میونسپل کمیٹی پلندری کی 8 نشستوں کے نتائج جاری ہوچکے ہیں جن میں پی ٹی آئی امیدوار 4 نشستوں پر کامیاب رہے ہیں۔ تین نشستیں آزاد امیدواروں نے حاصل کیں جب کہ ایک ن لیگ کے ہاتھ آئی۔
ڈسٹرکٹ کونسل ضلع پونچھ کی 29 نشستوں کے نتائج جاری ہوئے ہیں جن میں ن لیگ 9 نشستیں جیت کر آگے جب کہ پی ٹی آئی کے ہاتھ 8 نشستیں آئیں۔ پیپلز پارٹی نے 6 پر کامیابی حاصل کی ہے۔ جموں کشمیر پی پی نے 5 نشستوں پر ہاتھ صاف کیا جب کہ ایک پر آزاد امیدوار نے کامیابی حاصل کی۔
\میونسپل کارپوریشن راولا کوٹ کی 22 نشستوں کے نتائج جاری ہوئے ہیں جن میں جموں وکشمیر پیپلز پارٹی 7 نشستیں حاصل کرکے سب سے آگے ہے۔ 5 نشستوں پر آزاد امیدوار اور پاکستان پیپلز پارٹی نے 4 پر کامیابی پائی۔ یہاں پی ٹی آئی اور ن لیگ نے تین تین نشستیں حاصل کی ہیں۔
ٹاؤن کمیٹی کھایئگلہ کی 11 نشستوں کے نتائج جاری ہوئے ہیں۔ یہاں سے پاکستان پیپلز پارٹی اور تحریک انصاف تین تین نشستوں پر کامیاب ہیں آزاد امیدواروں نے 2 جب کہ ن لیگ نے ایک نشست حاصل کی ہے۔
میونسپل کمیٹی ہجیرہ کی 7 نشستوں پر بلدیاتی الیکشن کے جاری نتائج کے مطابق پی پی پی اور آزاد امیدواروں نے تین تین نشستیں حاصل کیں یہاں سے پی ٹی آئی کو صرف ایک پر کامیابی ملی ہے۔
میونسپل کمیٹی عباس پور کی 5 نشستوں کے جاری نتائج کے مطابق پی ٹی آئی تین پر کامیاب ہوئی ہے، پی پی پی اور آزاد امیدوار کے حصے میں ایک ایک نشسست آئی ہے۔
ڈسٹرکٹ کونسل حویلی کہوٹہ کی 12 نشستوں میں سے 10 کے نتائج جاری ہوچکے ہیں جن میں ن لیگ 5 نشستوں کے ساتھ سب سے آگے اور پی پی پی 4 نشستوں کے ساتھ دوسرے نمبر پر ہے۔ تحریک انصاف کو یہاں سے صرف ایک نشست پر کامیابی ملی ہے۔
ٹاؤن کمیٹی حویلی کہوٹہ کی 3 نشستوں میں سے 2 پر ن لیگ اور ایک پر پی ٹی آئی کامیاب ہوئی ہے۔
