The news is by your side.

Advertisement

آزادی مارچ : تحریک انصاف کا کراچی کو جام کرنے کا منصوبہ تیار

اسلام آباد : تحریک انصاف نے آزادی مارچ کے حوالے سے کراچی کو جام کرنے کا منصوبہ تیار کرلیا ، جس کے تحت 3 سے 4 مختلف مقامات پر جام کیا جائے گا۔

تفصیلات کے مطابق تحریک انصاف نے آزادی مارچ کے حوالے سے کراچی کیلئے تحریک انصاف نے منصوبہ تیارکرلیا ، ذرائع کا کہنا ہے کہ آزادی مارچ پر شہر کو 3 سے 4 مختلف مقامات پر جام کیا جائے گا۔

ذرائع نے بتایا کہ شارع فیصل پر ایئر پورٹ کی آمدورفت ، سہراب گوٹھ سے سپر ہائے وے کی آمدورفت اور نیٹی جیٹی کے قریب سے پورٹ آمدورفت کو بند کیا جائے گی۔

ذرائع کا کہنا ہے کہ پی ٹی آئی کی ضلعی تنظیمیں ان مقامات کو بلاک کریں گی اور اسلام آباد میں دھرنے کا آغازہوتے ہی کراچی جام کردیا جائے گا۔

پی ٹی آئی ذرائع نے کہا ہے کہ عمران خان کی ممکنہ گرفتاری کی صورت میں پلان پر وقت سے پہلے عمل کیاجائے گا اور کراچی قیادت کا بڑا حصہ کراچی میں رہ کر احتجاج منظم کرے گا۔

Comments

یہ بھی پڑھیں