قومی ٹیم کے جارح مزاج بیٹر اعظم خان کی گانا گنگنانے کی ویڈیو سوشل میڈیا پر وائرل ہوگئی۔
اے آر وائی نیوز کے مطابق لیجنڈ وکٹ کیپر بیٹر معین خان کے بیٹے اعظم خان نے معروف گلوکار عاطف اسلم کا گانا گنگنا کر سب کو حیران کردیا۔
انہیں عاطف اسلم کے ’جل‘ بینڈ کا مشہور گانا ’چاہت ایسی ہے تیری بڑھتی جایے، آہٹ ایسی ہے تیری مجھ کو ستائے‘ گنگناتے دیکھا جاسکتا ہے۔
اعظم خان کی آواز پر سوشل میڈیا صارفین بھی پسند کررہے ہیں اور اس پر اپنی رائے کا اظہار بھی کررہے ہیں۔
اس سے قبل بھی انہوں نے فاسٹ بولر حسنین کے ساتھ مل کر گٹار بجایا تھا جس کی ویڈیو پی سی بی کی جانب سے شیئر کی گئی تھی ویڈیو میں اعظم کو گٹار اور حسنین کو ’مشہور گانا ’متوا‘ گاتے دیکھا جاسکتا ہے۔
They are great friends and look even greater jamming together! Azam Khan and @MHasnainPak show us their music skills!#HarHaalMainCricket pic.twitter.com/imsujdwWiy
— Pakistan Cricket (@TheRealPCB) October 8, 2020
واضح رہے کہ اعظم خان ان دنوں سی پی ایل کھیلنے میں مصروف ہیں اور انہوں نے چند روز قبل شاندار نصف سنچری اسکور کی تھی۔
ان کی نصف سنچری کی بدولت بارباڈوس رائلز نے پیٹریوٹس کو شکست دی تھی۔
جارح مزاج بیٹر نے نصف سنچری بناتے ہوئے 103 میٹر کا بلند و بالا چھکا بھی لگایا تھا انہیں ڈیوائن براوو نے فلیچر کے ہاتھوں کیچ آؤٹ کروایا تھا۔
Azam Khan with a towering 103m six in #CPL22🔥 pic.twitter.com/eB0VyQC5qj
— Grassroots Cricket (@grassrootscric) September 21, 2022
یاد رہے کہ ٹی 20 ورلڈ کپ اسکواڈ میں اعظم خان شامل نہیں ہیں جبکہ رضوان کے ساتھ نوجوان وکٹ کیپر محمد حارث کو شامل کیا گیا ہے۔
