The news is by your side.

Advertisement

پی ٹی آئی کا اعظم سواتی کو سینیٹ میں اپوزیشن لیڈر نامزد کرنے کا اعلان

اسلام آباد: پاکستان تحریک انصاف کی جانب سے اعظم سواتی کو سینیٹ میں اپوزیشن لیڈر نامزد کرنے کا اعلان کردیا گیا۔

تفصیلات کے مطابق پارٹی چیئرمین عمران خان کی زیر صدارت پی ٹی آئی کے کور گروپ کا اجلاس ہوا جس میں طویل مشاورت کے بعد رہنماؤں نے سینیٹ میں اپوزیشن لیڈر کے لیے اعظم سواتی کے نام کی منظوری دے دی۔

ترجمان پی ٹی آئی کے مطابق پارٹی چیئرمین عمران خان نے اپوزیشن لیڈر کے لیے مکمل حکمت علمی تیار کر لی ہے جبکہ تحریک انصاف اپنے امیدوار کی حمایت حاصل کرنے کے لیے مختلف سیاسی جماعتوں سے رابطے کرے گی، سینیٹ میں قائد حزب اختلاف ہمارا حق ہے۔

پی ٹی آئی امیدوارکی سینیٹ اپوزیشن لیڈرکے لیے حمایت کریں گے‘ فیصل سبزواری

اجلاس میں پارٹی کی جانب سے فاٹا، بلوچستان کے آزاد سینیٹرز اور جماعت اسلامی سے رابطے تیز کرنے پر اتفاق کیا گیا، اس موقع پر کور گروپ نے لاہور سمیت پنجاب کے مختلف شہروں میں مزید جلسے کرنے کی بھی منظوری دے دی۔

پارٹی ترجمان کا کہنا ہے کہ پاکستان تحریک انصاف اپنے امیدوار کے نام پر سمجھوتہ نہیں کرے گی، 22 مارچ تک نو منتخب سینیٹرز کو اپنی جماعت کی  وابستگی واضح کرنا ہوگی، جبکہ 29 اپریل سے ملک گیر انتخابی مہم شروع کریں گے، انتخابی مہم لاہور میں تاریخی جلسے کے انعقاد سے شروع کیا جائے گا۔

پی ٹی آئی کے سینیٹرز پیپلز پارٹی کو ووٹ دینے کے لیے تیار نہیں: عمران خان

پی ٹی آئی ترجمان کا مزید کہنا تھا کہ مرکزی حکومت کی طرح پنجاب حکومت بھی کرپشن میں لت پت ہے، دستاویزی شواہد کے ساتھ پنجاب کے وسائل پر مارا گیا ڈاکہ قوم کے سامنے لائیں گے، مسلم لیگ (ن) کو چاہیے کہ وہ اپنی مدت مکمل کرنے پر توجہ دے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں