The news is by your side.

بیوی اور بیٹی کوبھیجی گئی ویڈیو اصلی ہے، اعظم سواتی

اسلام آباد : تحریک انصاف کے رہنما اعظم سواتی کا کہنا ہے کہ بیوی اوربیٹی کوبھیجی گئی وڈیواصلی ہے ، قانون سے بالاتر لوگ افواہ پھیلارہے ہیں کہ ویڈیو جعلی ہے۔

تفصیلات کے مطابق پی ٹی آئی رہنما اعظم سواتی نے سپریم کورٹ کے باہر میڈیا سے گفتگو کرتے ہوئے کہا بیوی اور بیٹی کو بھیجی گئی وڈیو اصلی ہے، بس کچھ چیزیں اضافی ڈالی گئی ہیں۔

ایف آئی اے کے بیان پر اعظم سواتی کا کہنا تھا کہ قانون سے بالاتر لوگ افواہ پھیلا رہے ہیں کہ ویڈیوجعلی ہے۔

پی ٹی آئی سینیٹر نے بتایا کہ ویڈیو کوئٹہ میں بنائی گئی، میں چئیرمین سینیٹ کا مہمان تھا، عدالت کو بتاؤں گا اس ویڈیو کا کون سا حصہ درست ہے کون سا نہیں۔

ان کا مزید کہنا تھا کہ یہ مقدمہ میرا یا بیوی کا نہیں، بلکہ ملک کی ہر بیٹی کا ہے، ،مجھے انصاف کیوں نہیں مل رہا۔

گذشتہ روز فیڈرل انویسٹی ایجنسی(ایف آئی اے) نے سینیٹر اعظم سواتی کی ویڈیو کو جعلی قرار دیتے ہوئے کہا تھا کہ ویڈیو کا عالمی معیار کے مطابق تفصیلی تجزیہ کیا گیا۔

ادارے نے بتایا تھا کہ انٹرنیشنل معیار کے فرانزک سے ثابت ہوا وڈیو میں ایڈیٹنگ کی گئی اور چہروں کو بگاڑ کر مختلف ویڈیوز اس میں شامل کی گئی ہیں۔

Comments

یہ بھی پڑھیں