اسلام آباد: پاکستان میں تعینات آذربائیجان کے سفیر علی علیزادہ نے اعلان کیا ہے کہ آذری فوج نے دشمن کے قبضے سے مزید علاقے آزاد کرلیے۔
تفصیلات کے مطابق سماجی رابطے کی ویب سائٹ ٹوئٹر پر آذربائیجان کے سفیر نے بتایا کہ دشمن کے قبضے سے مزید 23 گاؤں کو آزاد کرلیا گیا ہے۔ علی علیزادہ نے اپنے ٹوئٹ میں نعرہ بھی لکھا ‘آذربائیجان فوج زندہ باد!’۔
علی علیزادہ کا کہنا تھا کہ اذربائیجان کی فوج نے مقبوضہ ضلع کھوجلے، جبریلا، گوبدلیی، زنگیلان، فوزولی اور کھوجاوند سے 23 گاؤں کو ازاد کرایا ہے۔
اس سے قبل گزشتہ روز ترکی نے اٹھائیس سال بعد آذربائیجان کے مقبوضہ علاقے شُوشا کی آرمینی قبضے سے رہائی پر مسرت کا اظہار کیا اور ہرمشکل میں ساتھ دینے کا بھی عزم ظاہر کیا تھا۔
Victorious #AzerbaijanArmy liberated 23 more villages of the #Khojaly, #Jabrayil,#Gubadlı,#Zangilan, #Fuzuli, #Khojavand districts of Azerbaijan🇦🇿. #LongLiveAzerbaijanArmy!
Yaşasın müzəffər ordumuz!
Yaşasın #Azərbaycan!
Yaşasın Ali BK!#KarabakhisAzerbaijan! pic.twitter.com/CX9FyOhcab— Ali Alizada 🇦🇿 (@Ali_F_Alizada) November 9, 2020
ترکی کے قومی اسمبلی کے اسپیکر مصطفیٰ شن توپ نے فتح شُوشا کے لیے جاری کردہ پیغام میں کہا کہ شُوشا آذربائیجان کا ہے، اللہ مبارک کرے، شن توپ نے بیان میں آذربائیجان کے صدر الہام علییف کے اس بیان کی بھی یاد دہانی کروائی جس میں انہوں نے کہا ہے کہ اٹھائیس سال بعد شوشا میں اذان کی آواز گونجے گی۔
