The news is by your side.

Advertisement

اظہرعلی ٹرپل سنچری بنانے والے پہلے کھلاڑی بن گئے

دبئی : پاکستانی ٹیم کے بیٹسمین اظہر علی نے ویسٹ انڈیز کے خلاف شاندار اور تاریخ ساز ڈبل اور ٹرپل سنچری اسکور کرلی، وہ ڈے نائٹ ٹیسٹ میچ میں گلابی گیند کے ساتھ ڈبل اور ٹرپل سنچری بنانے والے دنیا کےپہلے کھلاڑی بن گئے، ان کے 302 رنز کے اسکور کے بعد پاکستانی ٹیم نے 579 رنز پر اننگز ڈیکلیئر کردی۔

azhar-ali

تفصیلات کے مطابق پاکستان اور ویسٹ انڈیز کے درمیان دبئی میں کھیلے جانے والی ٹیسٹ سیریز کے پہلے میچ میں اظہر علی نے تاریخ ساز ڈبل اور بعد ازاں ٹرپل سنچری اسکور کردی۔

ڈبل سنچری کے بعد اظہر علی نے سلیوٹ مارا اور پش اپس لگائے اسی طرح ٹرپل سنچری پر بھی جذبات کا اظہار کیا۔وہ ڈےنائٹ ٹیسٹ میں ڈبل اور ٹرپل سنچری بنانے والے دنیا کے پہلے کھلاڑی بن گئے اور انہوں نے 302 رنز اسکور کیے پھر بھی ناٹ آئوٹ رہے۔

پہلے روز کی طرح دوسرے روز بھی اظہرعلی میدان میں چھائے رہے،146 رنز سے اپنی نامکمل اننگز شروع کی اورمحتاط بیٹنگ کرتے ہوئے 150 رنزکا سنگ میل عبورکیا۔

azhar-new

اسد شفیق کے ساتھ مل کر 137  رنز جوڑے اور ٹیم کی پوزیشن کو مستحکم بنایا۔ ڈے نائٹ ٹیسٹ کی تاریخ کا پہلا چھکا بھی اظہر علی کےحصے میں آیا۔

190  رنز پر اظہر علی کو دوسری زندگی اس وقت ملی جب سلپ پر اظہر علی کا کیچ ڈراپ کیا گیا۔ اظہرعلی نے موقع سے فائدہ اٹھایا اور چوکا لگا کر کیرئیر کی دوسری سنچری بنائی۔

دوسری جانب ویسٹ انڈیز کے خلاف گلابی گیند سے ڈے اینڈ نائٹ تاریخی ٹیسٹ میچ کھیلنے کا پاکستانی ٹیم نے سب سے پہلے یہ اعزاز اپنے نام کرلیاجبکہ روایتی حریف بھارت اس میچ کو کھیلنے سے محروم رہا۔

Comments

comments

یہ بھی پڑھیں