The news is by your side.

Advertisement

کپتانی شارٹ ٹرم نہیں، کارکردگی دکھا سکتا ہوں، اظہر علی

لاہور:قومی ٹیسٹ کرکٹ ٹیم کے کپتان اظہر علی نے کہا ہے کہ کپتانی شارٹ ٹرم نہیں ہے اتنا وقت ہے کہ کارکردگی دکھا سکوں۔

تفصیلات کے مطابق قومی ٹیسٹ کرکٹ ٹیم کے کپتان اظہر علی نے لاہور میں میڈیا سے گفتگو کرتے ہوئے کہا کہ سرفراز میری نمبر ون چوائس ہوگا پر کبھی کھلاڑی کو ریسٹ چاہئے ہوتا ہے۔

انہوں نے کہا کہ سرفراز کی صلاحیتوں پر یقین ہے امید ہے وہ جلد ٹیم میں کم بیک کریں گے۔

اظہر علی نے کہا کہ مصباح کے ساتھ اچھی انڈراسٹینڈنگ ہے، بولنگ میں نئے چہرے دکھائی دیں گے۔

ٹیسٹ ٹیم کے کپتان کا کہنا تھا کہ ’’آسٹریلیا میں ہمارا ریکارڈ اچھا نہیں، کھلاڑیوں کو جارحانہ حکمتِ عملی اپنانے کا مشورہ دوں گا، کینگروز کو اُن کے ہوم گراؤنڈ پر شکست دینے کے لیے مثبت انداز سے کھیلنا ضروری ہوگا‘‘۔

اظہر علی نے کہا کہ ٹیم کمبی نیشن کے مطابق جس نمبر پر ضرورت پڑی بیٹنگ کروں گا، نوجوان کھلاڑیوں کے ساتھ بہترین کرکٹ کھیلنے کی کوشش کریں گے۔

انہوں نے کہا کہ آسٹریلیا کو ان کے ملک میں کھیلنا آسان نہیں ہے، ذہن میں شکست کا خوف رکھے بغیر مثبت کرکٹ کھیلیں گے۔

اظہر علی نے مزید کہا کہ کل سے قذافی اسٹیڈیم میں کیمپ لگ رہا ہے، تجربے کے ساتھ کارکردگی کی بھی ضرورت ہوتی ہے، ٹیسٹ چیمپئن شپ میں کوئی ٹیم آسان نہیں ہے۔

Comments

comments

یہ بھی پڑھیں