The news is by your side.

Advertisement

قومی ٹیم ’ارطغرل غازی‘ سے ہمت اور حوصلہ لینے لگی

ساؤتھمپٹن: انگلینڈ میں موجود قومی کرکٹ ٹیم مشہور ترکش ڈرامے ارطغرل غازی سے ہمت اور حوصلہ لینے لگی۔

اے آر وائی نیوز کی رپورٹ کے مطابق قومی ٹیسٹ ٹیم کے کپتان اظہر علی نے ویڈیو کانفرنس میں بتایا کہ ٹیم میں کوئی ایسا شخص نہیں ہوگا جو ارطغرل غازی ڈرامہ نہ دیکھ رہا ہو۔

اظہر علی کا کہنا تھا کہ پلیئرز کی بھرپور سپورٹ حاصل ہے، پہلا ٹیسٹ ہارے لیکن اچھی کرکٹ کھیلی، پچ دیکھ کر فائنل الیون کا فیصلہ کریں گے۔

ٹیسٹ کپتان نے کہا کہ فاسٹ بولرز نوجوان لیکن باصلاحیت ہیں، تجربہ کھیلنے سے ہی آتا ہے، ان کو بھرپور سپورٹ کرتے ہیں، انگلینڈ کے ٹیل اینڈرز کے لیے بولنگ پلان بنایا ہے کوشش ہوگی کہ ان کو رنز نہ کرنے دیں۔

اظہر علی نے کہا کہ اسد شفیق کی اور اپنی فارم میں واپسی کے لیے پرعزم ہوں، ضرورت پڑنے پر قبل از وقت کھیل شروع کرنے کی حمایت کرتے ہیں، امید ہے موسم کرکٹ کے لیے سازگار ہوگا۔

انہوں نے کہا کہ انگلینڈ میں کنڈیشنز مشکل ہوتی ہیں، ویسٹ انڈیز سمیت کسی ٹیم کی بیٹنگ میں تسلسل نہیں ہے، میچ میں جو سیٹ ہوجائے رنز کرتا ہے، تنقید کرنے والوں کی اپنی رائے ہے۔

واضح رہے کہ دونوں ٹیموں کے درمیان تیسرا ٹیسٹ کل سے شروع ہوگا، انگلینڈ کو تین میچز کی سیریز میں 1-0 کی برتری حاصل ہے۔

Comments

یہ بھی پڑھیں