The news is by your side.

Advertisement

انگلینڈنے پاکستان کیخلاف اظہر محمود کی خدمات حاصل کر لیں

قومی کرکٹ ٹیم کے سابق آل راؤنڈر اظہر محمود انگلینڈ کے بولرز کو گرُ سکھائیں گے۔

پاکستان کے خلاف ٹی ٹوئنٹی سیریز کے لیے انگلینڈ نے اظہر محمود کی خدمات حاصل کر لی ہیں وہ 3 میچوں کی سیریز میں انگلش بولرز کو مدد فراہم کریں گے۔

اظہر محمود انگلش بولنگ کوچ جولن لیوس کی معاونت کریں گے جب کہ ہیڈ کوچ گراہم تھارپ ہوں گے اور انہیں پال کولنگ ووڈ کی بطور اسسٹنٹ کوچ معاونت حاصل ہو گی۔

انگلینڈ نے کوچنگ اسٹاف میں ٹریسکوتھک کو بھی شامل کیا ہے جو کہ سیریز میں بیٹنگ کوچ کی ذمہ داریاں نبھائیں گے۔اسی طرح جیمز فوسٹر وکٹ کیپرز کی کوچنگ کریں گے۔

پاکستان اور انگلینڈ کے درمیان تین ٹوینٹی میچز کی سیریز 28 اگست سے شروع ہوگی، اولڈ ٹریفورڈ میں تینوں ٹی ٹوینٹی بغیر تماشائیوں کے کھیلے جائیں گے۔

انگلینڈ کرکٹ بورڈ نے پاکستان کے خلاف تین ٹی ٹوینٹی میچز کی سیریز کے لیے 14 رکنی اسکواڈ کا اعلان کیا ہے، انگلش ٹیم کی قیادت اوئن مورگن کریں گے۔

انگلش اسکواڈ میں اوئن مورگن (کپتان)، معین علی، جوناتھن بیئرسٹو، ٹام بینٹن، سیم بلنگز، جو ڈینلی، ٹام کرن، لوئیس گریگوری، کرس جارڈن، ثاقب محمود، ڈیوڈ ملان، عادل رشید، ڈیوڈ ولی اور جیسن روئے شامل ہیں۔

Comments

یہ بھی پڑھیں