تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

بھارتی کپتان اظہرالدین نے کیا ٹپس دیں؟ یونس خان نے بتادیا

کراچی : قومی ٹیم کے سابق کپتان اور مایہ ناز بیٹسمین یونس خان نے کہا ہے کہ مجھے یہ اعزاز حاصل ہے کہ  بھارت کے صف اول کے کھلاڑی اظہرالدین نے مجھے بیٹنگ ٹپس دیں۔

یہ بات انہوں نے اے آر وائی نیوز کے پروگرام پاک بھارت کرکٹ کنکلیو میں میزبان کاشف عباسی سے گفتگو کرتے ہوئےکہی، اس موقع پر سابق بھارتی کپتان اظہرالدین بھی موجود تھے۔

پاکستانی کرکٹ ٹیم کے سابق کپتان و کوچ یونس خان کہتے ہیں کہ پاک بھارت میچز کی بہت سی یادیں ہیں کچھ ایسے لمحات ہیں کہ جنہیں بھلایا نہیں جاسکتا۔

انہوں نے کہا کہ اس سے پہلے جب میچز ہوتے تھے تو اتنی ٹینشن نہیں ہوتی تھی، ایک واقعہ بیان کرتے ہوئے انہوں نے کہا کہ ایک بار ہربھجن سنگھ نے مجھے کہا کہ آپ سنگل بھی لے رہے ہیں، ہنس بھی رہے ہیں اور چوکے بھی مارے جارہے ہیں۔

انہوں نے بتایا کہ سال 2016میں میں نیٹ پریکٹس کررہا تھا کہ کسی نے بتایا کہ تمہارے لیے کال ہے جب میں نے فون اٹھایا تو دوسری طرف ( اجو بھائی) اظہرالدین تھے۔

اجو بھائی نے مجھے فون پر ہی کثھ ٹپس دیں اور کہا کہ ابھی اس کی نیٹ پریکٹس کرو، میں نے جب ان ہدایات پر عمل کرتےہوئے وہ انداز اور طریقہ اپنایا تو مجھے بیٹنگ میں بہت فائدہ ہوا۔

اس موقع پر سابق بھارتی کپتان اظہرالدین گفتگو کرتے ہوئے کہا کہ گراؤنڈ میں کچھ ٹینشن ہوتی ہے کیونکہ جب پاک بھارت میچ ہوتا ہے تو دنیا رک سی جاتی ہے مگر میچ کے بعد سب دوستوں کی طرح رہتے ہیں،

انہوں نے کہا کہ ہار جیت کسی بھی کھیل کا حصہ ہوتی ہے اور ہر کھلاڑی یقینی طور پر جیتنے کیلئے ہی کھیلتا ہے۔ تاہم ہوم گراؤنڈ پر کھیلنے کا الگ ہی مزہ ہوتا ہے۔

Comments

- Advertisement -