کراچی کے اذلان نے دلہن کو گدھے کا بچہ بطور تحفہ دے دیا

کراچی میں جانوروں سے پیار کرنے والے یوٹیوبر اذلان نے اپنی دلہن کو شادی کی خوشی میں انوکھا تحفہ دے دیا۔

دولہا نے اپنی شادی میں گدھے کے ساتھ انٹری دی جسے دیکھ کر مہمان حیران رہ گئے۔ اذلان نے دلہن کو گدھے کا بچہ بطور تحفہ دیا جس کے سوشل میڈیا پر خوب چرچے ہو رہے ہیں۔

ویڈیو میں اذلان اپنی دلہن سے کہتے ہیں کہ میں نے آپ کو تحفہ میں گدھا ہی کیوں؟ اپنی بات کا خود ہی جواب دیتے ہوئے وہ کہتے ہیں کہ یہ جانور مجھے پسند ہے کیوں کہ یہ دنیا کا سب سے محنتی اور پیارا جانور ہے۔

دلہن بھی تحفہ پا کر انتہائی خوش نظر آئیں، گدھے کو خوب پیار کیا اور ساتھ میں تصاویر بھی بنوائیں۔

جانوروں سے پیار کرنے والے کا اپنی دلہن کو انوکھا تحفہ#ARYNews #AzlanShah pic.twitter.com/5vPIPnLFWY

— ARY NEWS (@ARYNEWSOFFICIAL) December 9, 2022

Comments