ایپوہ : اذلان شاہ ہاکی ٹورنامنٹ میں نیوزی لینڈ نے پاکستان کو تین کے مقابلےپانچ گول سے شکست دےدی۔ گرین شرٹس نے سات پینلٹی کارنرضائع کئے۔
تفصیلات کے مطابق ایپوہ میں جاری اذلان شاہ ہاکی ٹورنامنٹ میں بلیک کیپس نےگرین شرٹس کواونچی اڑان بھرنے سے روک دیا۔ میچ کاآغاز ہواتوشاہینوں کےتابڑتوڑ حملوں نےکیویز کوہلنےنہ دیا۔
محمدارسلان نےآٹھویں منٹ میں گیند جال میں پھنک دی۔ نیوزی لینڈ نےچند منٹ بعد مقابلہ برابرکردیا۔ دوسرے ہاف میں نیوزی لینڈنےپاکستان پرپہلی باربرتری حاصل کی۔
محمدعرفان نے پینلٹی کارنر داغ کرمقابلہ پھرسے برابرکردیا۔ پہلےاوردوسرےہاف میں جان اورپسینہ بہانےکے بعد تیسرے ہاف میں قومی کھلاڑی بےجان نظرآئے۔جس کافائدہ اٹھاتے ہوئے حریف ٹیم نے مزید تین گول جڑڈالے۔
دوکےمقابلےپانچ گول میں خسارےسےجانےکےبعد محمد ارسلان نے گیندایک بارپھرجال میں پھنکی لیکن اس وقت تک بہت دیرہوچکی تھی۔ میچ میں پاکستان نے سات پینلٹی کارنرضائع کئے اور ناکام ہوگئے۔
