پاوری گرل دنانیر مبین نے بھی کمسن بچی سے متاثر ہوکر ’ہمارے باپ کی پارٹی ہورہی ہے‘ کی ویڈیو بنالی۔
پاوری گرل کی طرح کمسن بچی کی ویڈیو گزشتہ دنوں سوشل میڈیا پر وائرل ہوئی تھی جس میں وہ کہہ رہی ہوتی ہیں کہ ہائے گائیز، یہ میں ہوں یہ ہمارا باپ ہے اور یہ ہمارے باپ کی پارٹی ہورہی ہے۔
اس ویڈیو میں بچی کے پیچھے ان کے والد اور دیگر چھوٹے بچے بھی موجود ہوتے ہیں۔
Hahahahhaha i am literally rofling pic.twitter.com/mvxbb04w2c
— Tehreem Azeem (@tehreemazeem) February 27, 2022
بچی کا نام وفا امیر ہے ایک دوسری ویڈیو میں وہ کہہ رہی ہے کہ ’ہائے گائیز‘ جس نے میری ویڈیو کو لائیک اور شیئر کیا ان کا شکریہ ادا کرتی ہوں۔
اس ویڈیو کے سوشل میڈیا پر خوب چرچے ہوئے اور اب اصل پاوری گرل دنانیر مبین نے بھی بچی کی طرح ویڈیو بنائی اور وہ بھی کہہ رہی ہیں کہ ہائے گائیز، یہ میں ہوں، یہ ہمارا باپ ہے اور یہ ہمارے باپ کی پارٹی ہے۔‘
دنانیر مبین کو ویڈیو میں دیوار پر لگی فیملی کی تصویر کی طرف اشارہ کرتے دیکھا جاسکتا ہے۔
View this post on Instagram
پاوری گرل کی ویڈیو کو اب تک لاکھوں صارفین دیکھ چکے ہیں اور اس پر اپنی رائے کا اظہار بھی کررہے ہیں۔
واضح رہے کہ دنانیر مبین اے آر وائی ڈیجیٹل کے میگا کاسٹ ڈرامہ سیریل ’صنف آہن‘ میں سیدہ سدرہ بتول کا کردار نبھا رہی ہیں۔
View this post on Instagram
