site
stats
خیبر پختونخواہ

ہزارہ صوبہ نہ بنا تو پاک چین راہداری منصوبہ میں رکاوٹ بنیں گے، بابا حیدرزمان

ایبٹ آباد : تحریک صوبہ ہزارہ کے قائد بابا حیدرزمان نے کہا ہے کہ نواز شریف نے ہزارہ قوم سے غداری کی تو پا نا ما لیکس میں پھنس گئے۔

انہوں نے کہا کہ حکومت نے ہزارہ صوبہ نہ بنایا تو پاک چین راہداری منصوبہ کیلئے رکاوٹ بنیں گے، یہ بات انہوں نے ایبٹ آباد میں شہداء ہزارہ کی چھٹی برسی کے موقع پر جلسہ سے خطاب کرتے ہوئے کہی۔

بابا حیدرزمان نے کہا کہ مرکزی اور صوبائی حکومت نے اپریل دو ہزار سترہ تک ہزارہ صوبہ کی قرارداد منظور نہ کروائی تو شاہراہ ریشم غیر معینہ مدت تک بند کریں گے ۔

جلسہ سے خطاب میں بابا حیدرزمان کا کہنا تھا کہ حکومت نے ہزارہ کے عوام کومحروم رکھا ہوا ہے اور انہیں تاحال ان کے حقوق نہیں دئیے، پاک چین راہداری کا سب سے اہم خطہ ہزارہ ڈویژن ہے اگر ان کے عوام کو حقوق صوبہ ہزارہ کی صورت میں نہ ملے تو اس منصوبہ کیلئے رکاوٹ بنیں گے۔

صوبائی اور مرکزی حکومت جلد از جلد صوبہ ہزارہ کی قراردادیں اسمبلیوں سے پاس کروائے بصورت دیگر ایک سال بعد فوارہ چوک میں ہزارے وال قوم غیر معینہ مدت کیلئے دھرنا دے گی۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top