تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

تحریک صوبہ ہزارہ کے قائد بابا حیدر زمان انتقال کر گئے

اسلام آباد: قائد تحریک صوبہ ہزارہ بابا حیدر زمان اسلام آباد میں انتقال کر گئے۔ بابا حیدر زمان نجی اسپتال میں زیر علاج تھے۔

تفصیلات کے مطابق قائد تحریک صوبہ ہزارہ بابا حیدر زمان اسلام آباد میں انتقال کر گئے۔

بابا حیدر زمان کچھ دنوں سے علیل تھے اور اسلام آباد کے نجی اسپتال میں زیر علاج تھے۔ بابا حیدر کی عمر 84 سال تھی۔

بابا حیدر زمان 1934 میں ایبٹ آباد کے نواحی علاقے دیوال منال میں پیدا ہوئے۔ انہوں نے اپنی سیاسی جدوجہد کا آغاز 60 کی دہائی میں کیا۔

بابا حیدر زمان نے پہلا الیکشن 1962 میں جبکہ آخری الیکشن 2013 میں لڑا۔

بابا حیدر زمان 1977 میں جمہوریت کی بحالی کی تحریک ایم آر ڈی میں شامل ہوئے اور گرفتار بھی ہوئے۔ حیدر زمان صوبائی وزیر محنت و افرادی قوت، ضلع ناظم ایبٹ آباد اور چیئرمین ڈسٹرکٹ کونسل ایبٹ آباد رہے۔

بابا نے سنہ 1990 اور 1993 میں سابق وزیر اعظم میاں نواز شریف کے مقابلے پر قومی اسمبلی کی نشست کی لیے الیکشن میں حصہ لیا۔

سنہ 2010 میں جب صوبہ سرحد کا نام تبدیل کرکے خیبر پختونخواہ رکھا گیا تو بابا حیدر زمان نے ہزارہ کو صوبہ بنانے کے لیے سیاستدانوں کو ایک چھتری تلے اکٹھا کیا۔

انہوں نے بھرپور انداز میں تحریک کا آغاز کیا جس کے باعث انہیں ملکی اور بین الاقوامی میڈیا میں بھی پذیرائی ملی۔

Comments

- Advertisement -