نوازشریف کوایبٹ آبادمیں جلسہ کسی صورت نہیں کرنے دینگے،باباحیدرزمانBaba
The news is by your side.

Advertisement

نوازشریف کوایبٹ آبادمیں جلسہ کسی صورت نہیں کرنے دینگے،باباحیدرزمان

ایبٹ آباد : تحریک صوبہ ہزارہ کے قائد باباحیدرزمان کا کہنا ہے کہ نوازشریف کوایبٹ آبادمیں جلسہ کسی صورت نہیں کرنے دینگے۔

تفصیلات کے مطابق تحریک صوبہ ہزارہ نے نواز شریف کی ایبٹ آباد آمد پر احتجاج کا اعلان کردیا ہے ، تحریک صوبہ ہزارہ کے قائد بابا حیدر زمان نے میاں نواز شریف کی ایبٹ آباد آمد سے متعلق پریس کانفرنس کرتے ہوئے کہا کہ نوازشریف کوایبٹ آبادمیں جلسہ کسی صورت نہیں کرنے دینگے،

باباحیدرزمان نے کہا کہ نوازشریف نےہزارہ کےعوام سے دھوکہ کیا، نوازشریف نے سوائےمحرومی کے کچھ نہیں دیا۔

انکا مزید کہنا تھا کہ تحریک ہزارہ نواز شریف کے آنے پر شدید مزاحمت اور احتجاج کرے گی۔

یاد رہے کہا گیا تھا کہ نواز شریف 19نومبرکو ایبٹ آباد جلسے سے عوامی مہم کا آغاز کریں گے اور اس کے بعد آئندہ کے جلسوں کاشیڈول جاری کیا جائے گا ۔

واضح رہے اس سے قبل تحریک صوبہ ہزارہ نے تحریک انصاف کے سربراہ عمران خان کی ایبٹ آباد آمد کے موقع پر احتجاج کا اعلان کیا تھا جبکہ تاجروں نے بھی تحریک صوبہ ہزارہ کی حمایت کرتے ہوئے شٹر ڈائون ہڑتال کا اعلان کیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں