site
stats
پاکستان

پاکستان میں دوسرانااہل شخص اسحاق ڈارہے،بابراعوان

اسلام آباد : پاکستان تحریک انصاف کے رہنما بابر اعوان کا کہنا ہے کہ الیکشن بل میں ترمیم کرکےآئین کےآرٹیکل62،63پرحملہ کیاگیا، نہایت ہی افسوس کی بات ہے ورلڈ بینک اسحاق ڈارکوروک رہا ہے ، پاکستان میں دوسرا نااہل شخص اسحاق ڈارہے۔

تفصیلات کے مطابق پی ٹی آئی کے رہنما بابر اعوان نے میڈیا سے گفتگو کرتے ہوئے کہا کہ الیکشن بل2017میں ترمیم کوسپریم کورٹ میں چیلنج کریں گے، نااہل شخص پارلیمنٹ میں نہیں آسکتا،الیکشن نہیں لڑسکتا، الیکشن بل میں ترمیم کرکےآئین کےآرٹیکل62،63پرحملہ کیاگیا، آئین پرحملےکوسپریم کورٹ میں چیلنج کرنےجارہے ہیں۔

بابر اعوان کا کہنا تھا کہ ملک میں اس وقت کوئی حکومت ہی نہیں ہے، پاکستان کودھمکیاں دی جارہی ہیں اورحکومت خاموش ہے، حکمران ریاست کےتحفظ سےمتعلق بات کرنےسےانکاری ہیں، بھارتی آرمی چیف دھمکیاں دیتاہےہماراوزیراعظم خاموش ہے، امریکا سی پیک پر تنقید کرتا ہے اور ہماری حکومت جواب نہیں دیتی۔


مزید پڑھیں : جو قانون، آئین اور پاکستان کی نظریاتی اساس کی نفی کرتا ہو وہ قابل قبول نہیں


رہنما پی ٹی آئی نے کہا کہ سرکاری خرچوں پرچلنےوالاپنجاب ہاؤس پارٹی کیلئےکام کررہاہے، حکومت نااہل شخص اوران کےبچوں کوپروٹوکول دینےمیں لگی ہے۔

انکا مزید کہنا تھا کہ پاکستان میں دوسرانااہل شخص اسحاق ڈارہے، ورلڈبینک نے اسحاق ڈارکو میٹنگ میں آنے سے روک دیا، نہایت ہی افسوس کی بات ہےورلڈ بینک اسحاق ڈارکوروک رہاہے۔

بابراعوان نے کہا کہ فاٹاسے متعلق حکومت جان بوجھ کرتاخیری حربے اپنارہی ہے، فاٹا کے معاملے پر پی ٹی آئی دن رات کام کررہی ہے، فاٹا کےعوام کا جائزمطالبہ ہے ،پی ٹی آئی ان کی حمایت کرتی ہے، فاٹا کیلئے قانونی راستہ اختیارکرنا پڑا تو ہم اس پر بھی چلیں گے، عمران خان پرمقدمات ہیں توحکومت گرفتار کرے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top