اب کس منہ سے کنٹینر پر جاؤ گے، شرم تم کو مگر نہیں آتی، بابر اعوان -
The news is by your side.

Advertisement

اب کس منہ سے کنٹینر پر جاؤ گے، شرم تم کو مگر نہیں آتی، بابر اعوان

اسلام آباد : پاکستان تحریک انصاف کے رہنما بابر اعوان نے کہا کہ سرکس کا شیر بھاگ گیا ہے، اب کس منہ سے کنٹینر پر جاؤ گے، شرم تم کو مگر نہیں آتی۔

تفصیلات کے مطابق پاکستان تحریک انصاف کے رہنما بابر اعوان نے میڈیا سے گفتگو میں نواز شریف کے کنٹینر پرطنز کرتے ہوئے کہا کہ یہ تو کہتے تھے عمران خان کی طرح کنٹینر پرنہیں چڑھتے، اب کس منہ سے کنٹینر پر جاؤ گے، شرم تم کو مگر نہیں آتی۔

بابر اعوان نے کہا کہ حقائق کا سب کومعلوم ہے، سرکس کا شیر بھاگ گیا ہے، نوازشریف جتنا چاہیں خرچہ کرلیں، ان سے حساب لیا جائیگا، قوم کو گاڈ فادر کے اصل اکاؤنٹ کا پتہ لگ گیا ہے۔

رہنما پی ٹی آئی کا کہنا تھا کہ اسلام آباد اور پورا پنجاب لاک ڈاؤن ہے، ہزاروں لوگ مشکلات کا شکار ہیں، بیٹی آج کالج نہیں جا سکی، اب بتائیں جمہوریت اورعوام کا حق کہاں ہے۔

انھوں نے کہا کہ نوازشریف بتائیں جلوس کس کے خلاف نکال رہے ہیں۔


مزید پڑھیں :  نااہل شخص جی ٹی روڈ پر جشنِ نااہلی منانا چاہتا ہے ،بابر اعوان


گذشتہ روز بھی پی ٹی آئی رہنما بابر اعوان نے سابق وزیر اعظم کو سیکیورٹی رسک قراردیتے ہوئے کہا تھا کہ نااہل شخص جی ٹی روڈ پر جشن نااہلی منانا چاہتا ہے، تمام وسائل نواز شریف کےنا اہلی کےجنازہ پر وقف کردیے گئے ہیں۔

انکا کہنا تھا کہ پنجاب کی سیکیورٹی گارڈ فادر ون اور ٹو پر لگی ہے، نواز شریف بتائیں پاورشوکس کو دکھانا چاہتے ہیں، ، پیغام دے رہے ہیں فیصلہ درست نہیں ہے تو اپیل کیوں نہیں کی، مسلم لیگ ن نام لے کون آپ کے خلاف سازش کررہا ہے۔

واضح رہے کہ نواز شریف کنٹینر پر سوارہوکرلاہورجائینگے، آسائشوں سےبھر پور بم پروف کنٹینرتیار کیا گیا ہے، کنٹینرمیں چھت پر خطاب کرنے کی جگہ موجود نہیں، نوازشریف کنٹینر کے اندر سے ہی کارکنان سے خطاب کریں گے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو سے اپنی فیس بک وال پرشیئرکریں۔

Comments

comments

یہ بھی پڑھیں