The news is by your side.

Advertisement

سارے ٹائیگرو گھروں سے نکلو اور عمران خان کو وزیراعظم بناؤ، بابر اعوان

اسلام آباد : پاکستان تحریک انصاف کے رہنما بابر اعوان کا کہنا ہے کہ سارے ٹائیگرو گھروں سے باہر نکلو اور عمران خان کو وزیراعظم بناؤ، عمران خان 5 حلقوں سے انتخاب لڑیں گے اور جیتیں گے۔

تفصیلات کے مطابق پی ٹی آئی رہنما بابر اعوان نے میڈیا سے گفتگو کرتے ہوئے کہ کہ شاہد خاقان نے ایل این جی کے بعد کاغذات میں بھی دو نمبری کی،
صاف پانی کیس میں شہباز شریف کا کردار سب سے برا ہے، شریف خاندان کے کیسز پر فوری فیصلہ آنا چاہئے۔

بابر اعوان کا کہنا تھا کہ کچھ لوگ سیاسی جماعتوں کے خلاف میڈیا ٹرائل میں استعمال ہوئے، وعدہ کیا تھا عمران خان کے 5حلقوں سے کاغذات منظور ہوں گے، پی ٹی آئی کے کارکنان سے پانچوں حلقوں کا وعدہ پورا کردیا۔

پی ٹی آئی رہنما نے کہا کہ سارے ٹائیگرز گھروں سے باہر نکلو اور عمران خان کو وزیراعظم بناؤ، پاکستان میں فوری طور پر دو کاموں کی ضرورت ہے، سرکاری عہدوں پر بیٹھے سیاسی لوگوں کے کارندوں کو ہٹایا جائے، سب سے پہلے ایس ایچ اوز کو ہٹایا جائے۔

ان کا کہنا تھا اطلاعات ہیں سب سے زیادہ نشستوں پر ہم نے امیدوار کھڑے کیے، پنجاب کی قومی اسمبلی کی صرف 7سیٹوں پر ایڈجسمٹ کی، صوبائی اسمبلی کی 12یا13 نشستوں پرسیٹ ایڈجسٹمنٹ کی ہے۔

بابر اعوان نے کہا کہ کلچربدل دیاایک ایک سیاسی کارکن کوعزت دی گئی ہے، پی ٹی آئی کا ٹکٹوں کا عمل آج مکمل ہوجائے گا، ہفتے کے دن ہم اسلام آباد میں کنونشن کریں گے۔

رہنما پی ٹی آئی کا کہنا تھا کہ ووٹروں سے کہتا ہوں کہ شعور ظاہر کرنے کا وقت آگیا، دو تہائی اکثریت دیں تاکہ 100دن کا ایجنڈا پورا کرسکیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں