پاکستان تحریک انصاف کے رہنما اور عمران خان کے قانونی مشیر بابر اعوان نے آئی جی پنجاب کی گرفتاری کا مطالبہ کردیا۔
عدالت کے باہر میڈیا سے گفتگو کرتے ہوئے بابر اعوان کا کہنا تھا ریاست میں پہلی بار ایسا واقع ہوا ہے، تین چھوٹے چھوٹے بچوں کے والد معظم کو گولیاں مار کر قتل کیا گیا، پی ٹی ائی کا موقف درست یا غلط ہو سکتا ہے مگر معظم کی ماں کو کون جواب دہ ہے۔
بابر اعوان نے کہا کہ آئی جی پنجاب تنخواہ لے رہا ہے سرکاری گھر میں رہ رہا ہے، آئی جی پنجاب اپنی ڈیوٹی دے، قاتل گرفتار کریں مقدمہ درج کرے۔
انہوں نے کہا کہ لوگ مشورے دے رہے ہیں کہ 5 ہزار بندے مار دو، ایف آئی اے کے گواہ، تفتیش کرنے والے کس کے دور میں مارے گئے؟۔
بابر اعوان کا کہنا تھا کہ اس ملک میں لیڈر جلوس نکالے تو مجرم، قاتلانہ حملہ ہو تو مجرم یہ آگ کا کھیل مت کھیلیں۔
عمران خان کے وکیل کا مزید کہنا تھا کیا ہمیں کوئی شوق ہے کہ پولیس ہمارے گھروں پر آئے، اعظم سواتی کی بیٹی کو کیا بھیجا گیا، پوتیاں ملک چھوڑنے پر کیوں مجبور ہوئیں؟ ایف آئی اے چند گھنٹوں میں کہتی ہے کہ ویڈیوجعلی ہے، ایف آئی اے آگ کا کھیل مت کھیلے۔
